VOV4.Sêdang - Hâi lơ 11/10, Đăi tươ̆ng Tô Lâm, Ngế xiâm pơkuâ Kŏng an hiăng ai roh hôp mơ’no tơdrêng tung um tiô troăng măng Internet ƀă jâ Josephine Teo, Ngế xiâm pơkuâ tơdroăng kal tiô troăng um rơ’jiú, um tơvi, xuân cho Ngế xiâm pơkuâ gak kring măng Internet Singapore. Pôa Tô Lâm tối nhên, tơrŭm cheăng ton xŏn pơla Việt Nam – Singapore tung pơla kố nah đi đo tơtêk ƀă mơnhông mơdêk tung hên kơvâ cheăng.

Tơrŭm cheăng pơla Khu xiâm pơkuâ Kŏng an Việt Nam ƀă mâu kơ koan pêi ‘na luât Singapore pơtối châ rak ƀă mơnhông mơdêk. Khu xiâm pơkuâ Kŏng an Việt Nam ƀă mâu kơ koan cheăng Singapore hiăng chôa ‘lâng po rơdâ tơdroăng tơrŭm cheăng, tơpui tơno ‘na tơdroăng pơla kơ koan cheăng dêi péa pâ vâ tơpui tơno ‘na tơdroăng kal vâ tơrŭm cheăng tung kơvâ gak kring măng ƀă hbrâ, mơdât mâu ngế xôi ing măng Internet.

Hôp mơ’no tơdrêng tung um tiô troăng măng Internet pơla Khu xiâm pơkuâ Kŏng an Việt Nam ƀă Khu xiâm gak kring măng Singapore

Peăng dêi tơná, jâ Josephine Teo mơnhên Singapore kô pro ăm tơtêk tâ, tơpui tơno, châ chê ƀă mâu kong têa kân, ai hôm tâ ‘na kŏng ngê̆ môi tiah Mih, Nhuk, Hàn Quốc vâ mâu kong têa mê tŏng kum tung tơdroăng gak kring măng Internet tung ASEAN châ achê ƀă xúa tung tơdroăng tơniăn gak kring măng.