VOV4.Sêdang - Drêng vâ chê troh Têt khôi hmâ Đinh Dậu 2017, kơxê măng lơ 10 khế 1, pôa Trần Đại Quang, kăn xiâm hnê ngăn tơnêi têa lăm pôu, hbru tơmeăm [ă rơkâu Têt mâu ngế tro rong, mâu ngế tamo dế châ rak ngăn, păn pơlât a Tíu xiâm păn roăng mâu ngế tro rong Nho Quan, kong pơlê Ninh Bình. Pôa Trần Đại Quang pơtroh rơkong troh mâu ngế tro rong, mâu ngế ki tamo rơkong hơlêm, mơhnhôk tuăn hiâm pâ mơnê, rơtế [ă mâu rơkong rơkâu drêng vâ chê troh Rơnó hơngui hơnăm nếo Đinh Dậu 2017. Kăn xiâm hnê ngăn tơnêi têa tối rơdêi, tơdroăng ki rak ngăn mâu ngế tro rong, mâu ngế châi tamo, mâu ngế ki lo mơheăm chhá tơná a mâu roh tơplâ hơnăm ki mê nah, cho troăng hơlâ pơkâ dêi Đảng, Tơnêi têa [ă kuăn pơlê, mơhno tối khôi túa, tuăn hiâm ‘nâi pâ mơnê khoh chiâng ai hâi kố kơnôm ai hnoăng dêi khu chal hdrối nah dêi hdroâng mơngế. Mâu hơnăm hiăng hluâ, Đảng, Tơnêi têa [ă kuăn pơlê hiăng ai hên tơdroăng pêi pro vâ mơnê, rak ngăn mâu ngế tro rong, mâu ngế châi tamo vâ pâ troh mâu hnoăng cheăng kân k^n, tơdroăng ki hlâ rêh pleăng mơheăm chhá dêi mâu ngoh nâ, pâ pôa khên tơnôu, mâu mố đo#i tro rong, mâu ngế ki châi tamo.

Katarina Nga tơplôu [ă tơbleăng