VOV4.Sdang - Drêng tơbâ Hâi mơdró kâ Việt Nam, kong măng lơ 12/10, pôa Vương Đình Huệ, kăn xiâm hnê ngăn Kuô̆k hô̆i trâm mâ Khu mơdró kâ dêi “Rôh hôp mâu kăn pơkuâ khu mơdró kâ Việt Nam ƀă ô eăng mâu Inâi ki rơdêi”. Tơmâng xo mâu rơkong tơpui tối dêi kăn pơkuâ mâu khu mơdró kâ a rôh trâm mâ, pôa Vương Đình Huệ, kăn xiâm hnê ngăn Kuô̆k hô̆i tối tiah kố, kố xuân cho troăng hơlâ pơkâ dêi Đảng, Kuô̆k hô̆i ƀă Chin phuh tung hneăng cheăng nếo vâ pêi pro troh ‘mâi mơnhông, mơdêk cheăng kâ krá tơniăn ton.

Pôa Vương Đình Huệ, Kăn xiâm hnê ngăn Kuô̆k hô̆i trâm mâ Khu mơdró kâ dêi ‘Rôh hôp mâu kăn pơkuâ mơdró kâ Việt Nam”

Tung pơkâ vêh pêi cheăng kâ dêi 5 hơnăm la ngiâ xuân môi tiah túa pơkâ pơxiâm sap ing hơnăm 2022, Vi ƀan pơkuâ Kuô̆k hô̆i hiăng tơpui, môi tuăn khât, vêh pơkâ tơdroăng cheăng kâ tơtro ƀă tơdroăng ki tơkŭm tâi tâng, tơtro, ‘mâi mơnhông ƀă mơdêk cheăng kâ rêh ối, pơlê pơla, mơdêk tơdroăng pêi pro tơniăn krê dêi tơdroăng cheăng kâ, mơdêk ivá ki kâi chiu, tơtro ƀă tơdroăng ki trâm xâu xía, mâu tơdroăng ki xơpá xua ôh tá tơniăn ‘na cheăng kâ kân ing ê lơ mâu tơdroăng ki tơdjâk troh kong prâi pro hơ’lêh lơ pơreăng xông tâ tú.

Katarina Nga tơplôu ƀă tơbleăng