VOV4.Sêdang - Pơlê Bu N’đoh, cheăm Dak Wer, tơring Dak Rlâp, kong pơlê Dak Nông hdrối nah trâm hên tơdroăng pá puât, la mâu hơnăm achê pơla kố hiăng ai hên tơdroăng ki hơ’leh nhên ing tơdroăng mơjiâng thôn pơlê nếo. Troăng prôk kân rơdâ, on tơhrik bâ eăng troăng thôn pơlê, mâu hngêi trăng ki châ mơjiâng krá le\m thăm rế mơjiâng um méa ki nếo dêi kơpong thôn pơlê kố. Drêng hbrâ vâ chê troh hâi koh tơdah Têt Lo hơnăm nếo

A troăng chhá kơxu kân rơdâ mot a pơlê Bu N’đoh, péa pâ cho mâu kơdrum kơphế, tiu ngiât le\m. Tung dế cho mâu toăng hngêi mơjiâng kân rơdâ, [a\ mơjiâng pro le\m mơnâ mâ ngăn. Tung kơxo# mê, ai toăng hngêi dêi nâ Thị Ju\ nếo klêi mơjiâng. Nâ Thị Jú hơ’muăn tối, tơdroăng rêh ối môi tiah hâi kố cho kơnôm rơpo\ng châ mung kơxo# liăn ăm rơpo\ng kơtiê, hriâm châ hên tơdroăng a hên tíu [a\ tơdroăng to\ng kum khu râ kăn pơkuâ pơlê, khên tơnôu mơ’no liăn rôe phon rơvât, khoa hok kih thuât pêt kơphế [a\ tiu. 3 hơnăm kố, rơpo\ng nâ ai kơxo# liăn pêi lo tơniăn, châ mơjiâng pro toăng hngêi, 2 ngế kuăn châ hriâm tu\m.

‘’Hên hơnăm achê kố, châ tơmâng to\ng kum dêi Đảng [a\ Tơnêi têa mê vâi krâ xuân hiăng ple\ng ‘na khoa hok kih thuât vâ pêt tơmeăm khoăng pêi lo châ hên liăn ngân. Vâi krâ ‘nâi rak tơmeăm khoăng kong kế, kong prâi, mơgrúa tơdjuôm, ôh tá hvât sok hmâng vâ, rêm ngế tung pơlê ple\ng rak vế troăng klông pơlê rế hía rế krúa le\m rơdâ tâ vâ tơtro [a\ thôn pơlê nếo’’.

Tiô ngoh Điểu Xuynh, Kăn pơkuâ pơlê Bu N’đoh, mâu hơnăm achê kố, mâu troăng hơlâ mơ’no liăn cheăng dêi Đảng, Tơnêi têa rế hía rế mơnhông mơdêk châ tơ-[rê, tơdroăng rêh ối cheăng kâ dêi vâi krâ chôa ‘lâng châ tơtêk. Mơjiâng thôn pơlê nếo, rêm ngế ‘nâi văng, go#m sok mơgrúa kong prâi – tíu rêh ối, [a\ veăng tơlo lối 50 rơtuh vâ tâp trăng hnhâng kơxái, krâ pul on drô troăng kân pơlê, kơtâu.

‘’Vâi krâ nah tá hâi ‘nâi tơdah Têt tiô khôi hmâ laga kơnôm tơdroăng tơmâng to\ng kum dêi Đảng, Tơnêi têa mê to lâi hơnăm achê kố mơhé tơvâ tơvân laga khu râ kăn pơkuâ ối xing xoăng hơ’nêh chu, tơxông. Vâi krâ phiu ro ‘nâng, vâi krâ hiăng loi a Đảng, hriâm [a\ pêi tiô tung mơnhông mơdêk cheăng kâ, troăng pơlê, kơtâu krúa le\m, hơnăm kố xuân tiah mê, rêm ngế mơ-eăm lăm pêi cheăng vâ tơdah Têt tiô khôi hmâ vâi krâ’’.

Kơnôm hơ’leh tơdroăng hlê ple\ng [a\ xúa khoa hok tung pêi kâ, mơngế hdroâng kuăn ngo a mâu pơlê hiăng ai tơdroăng rêh ối phâi tơtô  tâ. {a\ mâu tơdroăng pêi ki pơxúa môi tiah to\ng kum liăn, hnê mơhno pêi chiâk deăng, hiăng kum vâi krâ hơ’leh troăng tơmiât, troăng pêi, ôh tá kơnôm to tơdroăng to\ng kum dêi tơnêi têa. Pôa Nguyễn Ngọc Quân, kăn hnê ngăn Vi [an cheăm Dak Wer tối, kơnôm tơdroăng mơ-eăm dêi kuăn pơlê hiăng kum djâ cheăm Dak Wer ‘na châ plah tiô pơkâ thôn pơlê nếo a hơnăm 2017.

‘’Vâi krâ hdroâng kuăn ngo pơlê Bu N’đoh mơngế M’nông hlê ple\ng hiăng hơ’leh nhên, hngêi trăng kân rơdâ, tơdroăng tơku\m hôp rơkê. Ing mê, rêm ngế xuân ple\ng ‘na tơdroăng kring vế, gak ngăn tơniăn [a\ veăng tơlo xêh mơjiâng pro troăng on tơhrik tơniăn pơlê pơla. Chiâ klôh sok vâ ‘măn sok a hngêi. Châ tơmâng to\ng kum dêi Đảng, Tơnêi têa, troăng on tơhrik [a\ mâu rơpo\ng pá puât ‘na hngêi ối pơrá châ mâu kơvâ cheăng tơmâng mơ’no liăn to\ng kum. Mê nôkố tơdroăng rêh ối vâi krâ tung pơlê hiăng chía hôm, cho tíu ki bâ eăng vâ mâu pơlê ki ê hriâm [ối tung mơnhông mơdêk mơjiâng thôn pơlê nếo’’.

Môi rơnó hơngui nếo dế troh, vâi krâ mơngế M’nông a pơlê Bu N’đoh pơtối tơdjuôm ivá, hiâm mơno mơjiâng pơlê xiâm rế hía rế kro mơdro\ng le\m.

A Sa Ly tơplôu [a\ tơbleăng