VOV4.Sêdang - Tung lâp mâu kơchơ tê reăng Têt a mâu kong pơlê Tây Nguyên, reăng đào peăng Kơnho\ng rêm hơnăm hiăng chiâng hmâ a kơpong kố. Pak^ng reăng đào dêi mâu kơdrum ki hmâ pêt dêi kong pơlê Nam Định, Ninh Bình, cho mâu loăng đào ki hmâ pêt a tơnêi khêi bazan dêi Tây Nguyên. Maluâ ôh tá tơtro [ă hyôh kong prâi, la châ mâu ngế ki rơkê hiăng pêt reăng đào a tơnêi khêi xuân chiâng dâi le\m tung pơla Têt kố. {ă mơngiơk khêi ki le\m [ă tê yă chía tơniăn, la kơdrum reăng đào a Dak Lak dế tơ’mot hên kuăn pơlê rơhêng vâ rôe.

Ngoh Nguyễn Trường Giang, ối a thôn 5, cheăm }ư\ Huê, tơring Ea Kar cho môi tung mâu ngế ki hmâ rôe reăng đào ối a {uôn Hồ, rôe to lâi xiâm reăng đào vâ xah hêi Têt. Tiô ngoh Giang tối, reăng đào {uôn Hồ hơnăm kố ga le\m ôh ta phá ki klâi [ă peăng Kơnho\ng. Tơdroăng kố ăm hlo mơngế pêt reăng đào hiăng hlê ple\ng nhên ‘na kih thuât pêi pêt, rak ngăn:

“Maluâ dế ai pơreăng Covid-19 la Têt hiăng vâ chê troh. Kuăn pơlê akố hiăng hlê ‘na kih thuât pêt tro ‘nâng, hơnăm kố hyôh kong prâi ôh tá mêi tro tô ‘ló la reăng đào xuân tơpo le\m, xuân ai reăng klăng troh roh Têt. Tâng vâ tối rêm hâi rôe loăng đào bu 2 tơkâng la xua ga le\m tiah kố mê athế rôe 5 troh 7 tơkâng djâ vêh, rôe vâ dêi tơná xah hêi [ă hnối ăm nho\ng o rơnuâ hngêi trăng a rơnó Têt”.

Reăng đào a tơnêi khêi ba zan Tây Nguyên

Môi ngế ki hmâ rôe reăng đào ki ê cho ngoh Giáp Hoàng Việt, ối a pơlê kong kơdrâm {uôn Ma Thuột, xuân hiăng rôe troh 5 to loăng đào pêt a tơnêi {uôn Hồ. Tiô ngoh Việt tối ăm ‘nâi, a tơnêi Tây Nguyên kố, hdrối nah preăng ai loăng đào ki le\m, ki tơtro [ă túa ki dâi le\m dêi pơlê pơla, thăm nếo yă ga rơpâ há, bu ai sap ing 300 troh 400 rơpâu liăn troh a 2 rơtuh liăn môi tơkâng:

“Á prôk trâm hlo drô kơchơ, drô troăng, a hlo tung kơdrum ki mê ai reăng đào chiâng dâi le\m. Kố, mơnúa ngăn loăng ki kố, le\m ó khât, ‘nâi to lâi hơnăm vâi nếo khoh pêt loăng đào ga le\m môi tiah kố. Yă ga xuân tơtro, rơpâ, kuăn pơlê bố bố xuân vâ tí tăng rôe loăng đào tiah mê. Á rôe vâ xah, klêi mê pleăng ăm vâi ki ê, ăm mâu ngế ki pin hâk”.

Maluâ hyôh kong prâi akố phá la reăng đào xuân tơpo tro klăng rơnó Têt

Pôa Trần Bình Trọng, pơlê a Ninh Bình mot rêh ối a bêng Thiện An, pơlê kong krâm {uôn Hồ tối ăm ‘nâi, hdrối nah, rơpo\ng pôa hmâ lăm rôe reăng đào ing pơlê vâ xah hêi Têt. La xua hyôh kong prâi akố ga phá, mê pro loăng đào tơpo ôh tá le\m, ôh tá ton. Sap ing mê, khoh chiâng tơmiât troh tơdroăng ki pêt [ă tê mơdró reăng đào a kơpong tơnêi khêi bazan, pôa hiăng tơmiât [ă mơnúa pêt. Tung pơla 3 hơnăm apoăng nah, pôa trâm hên pá puât [ă pêt ôh tá chiâng to lâi. Maluâ ti mê, [ă tơdroăng ki hâk git, tơdroăng ki kơhnâ khât ki vâ mơhriâm, pôa hiăng châ chiâng pro ăm reăng đào tơpo klăng a rêm roh Têt:

“Apoăng nah trâm hên pá puât, tâng ôh tá kơhnâ mơni kô ôh tá chiâng pêt loăng đào akố. Pin athế hriâm ‘na kih thuât hên, hdrối nah ôh tá hlê ple\ng to lâi, la kơ’nâi mê hiăng chía. Hyôh kong prâi athế ngăn tơrêm hơnăm ga phá tơ-ê dêi pó vâ ăm reăng đào tơpo klăng tro a hâi Têt. Tối tơchôam, khoh châ chiâng ai tiah mê cho hơniâp ro pá kâi tối”.

Tiô kơ rêm hơnăm cheăng pêt reăng đào rế hía rế châ mơnhông a Dak Lak

Tiô tơrêm hơnăm, cheăng pêt reăng đào rế hía rế châ mơnhông a Dak Lak. Ti xê to mâu ngế ki hiăng hên hơnăm, mâu ngế rơtăm xuân hiăng kơhnâ khât tung tơdroăng mơhriâm vâ po rơdâ mâu kơdrum reăng đào ki tơ-eăng le\m vâ tê a rơnó Têt. Ngoh Trần Quốc Vương, ối a bêng Đoàn Kết, pơlê kong krâm {uôn Hồ tối ăm ‘nâi, ngoh hiăng hriâm [ă pêt reăng đào hiăng ai 4 hơnăm kố. Kơdrum reăng đào dêi ngoh ai dâng 300 xiâm apoăng nah troh nốkố hiăng hên luâ tâ kơ mê 10 hdroh, châ mơ’no tê hên a mâu tơring, cheăm tung kong pơlê. Hơnăm kố, xua ai tơdjâk dêi pơreăng Covid-19, pro pá tơdroăng cheăng kâ kuăn pơlê, ngoh Vương hiăng tê kơdroh yă vâ nho\ng o ki lăm rôe tơ’lêi rôe. Xuân xua ti mê, mơngế lăm troh rôe a kơdrum reăng ngoh xuân kơdrâm:

“Á tê yă ki chía rơpâ, xua ga hơnăm kố tro klăng a rơnó pơreăng Covid-19 kố, kuăn pơlê pêi cheăng kâ pá puât, Yă ga rơpâ mê kuăn pơlê tơ’lêi rôe tâ, tâng vâ riân rêm hâi pin tê châ lối 100 tơkâng, hâi ki hên má môi ai 300 tơkâng”.

Công Bắc chêh

Nhat Lisa tơplôu [ă tơbleăng