Tung hneăng tơ’noăng râ má pái phôh thong tơnêi têa pơla kố nah, hên nôu pâ hok tro [a\ hok tro tơ’noăng a hngêi trung râ má pái phôh thong Bùi Thị Xuân, pơlê kong kơdrâm Đà Lạt, kong pơlê Lâm Đồng ôh tá [e\ng ê drêng tung khu droh rơtăm pleăng dêi hnoăng cheăng kum rơnó tơ’noăng đi đo châ hlo môi ngế kơdrâi hơnăm hiăng hên pêi tá hiâm mơno [a\ hlế kô rêm ngế.

Ngế pleăng hnoăng cheăng kố cho cô hnê chư, inâi Tôn Nữ Giác Duyên, 70 hơnăm, cô hnê hngêi trung râ má péa Quang Trung, pơlê kong kơdrâm Đà Lạt.

Cô Tôn Nữ Giác Duyên rơtế hok tro pleăng hnoăng cheăng hneăng tơ’noăng râ má pái phôh thong tơnêi têa hơnăm 2019

Cô Tôn Nữ Giác Duyên tối ăm ‘nâi, cô hiăng veăng kum roh tơ’noăng đi đo plâ 10 hơnăm kố, mơhnhôk hok tro loi tơngah dêi tơná chiâng pro [ai tơ’noăng.

‘’Á veăng kum rơnó tơ’noăng [a\ pói vâ mâu vâi o mơ-eăm. Tơdroăng pêi kố rế mơhnhôk mâu vâo o xuân môi tiah nôu pâ hok tro. Á pói vâ kô ai tơ’nôm ivá vâ mâu rơnó tơ’noăng kơ’nâi ah pơtối kum mâu vâi o’’.

Um méa mâu ngế thái cô pêi tá hiâm mơno xing xoăng têa, mơhnhôk, lăm kơ-êng mâu hok tro hdrối [a\ kơ’nâi rêm môn tơ’noăng hiăng mơhnhôk ăm hên pú hơnăm ối nếo veăng pleăng hnoăng cheăng.

O Vương Mai Trâm, sinh viên pleăng hnoăng cheăng Hngêi trung Đăi hok Đà Lạt, veăng kum rơnó tơ’noăng râ má pái phôh thông hơnăm 2019 tối: khu ki pleăng hnoăng cheăng ngin o mơhúa ‘nâng drêng ai tơ’nôm cô Duyên. Cô cho ngế nôu đi đo kơ-êng, rak ngăn ngin o xuân môi tiah mâu pú hmâ hok tro veăng hneăng tơ’noăng:

‘’Á hlo cô hiăng hên hơnăm laga cô pêi tá hiâm mơno. Cô to akố, hmâ kum ngin o. Cô cho mơngế ai hiâm le\m [a\ hok tro, ai hên pú hmâ nếo mê cô kơ-êng mâu ngin hôm chiâng pro [ai há. Ngin pói vâ la ngiâ xuân mơ-eăm mơhnâ môi tiah cô’’.

Môi ngế cô pơtê hnê xua hơnăm hiăng krâ hiăng ton xuân ôh tá piu kum hok tro, hiăng mơjiâng um méa ki le\m [a\ kuăn pơlê Đà Lạt. Pôa Nguyễn Văn Hùng, ối a bêng 3, pơlê kong kơdrâm Đà Lạt, Lâm Đồng tối, kố cho um méa ki le\m, rêh ai pơxúa:

‘’Tiô á, kố cho tơdroăng pêi ki le\m tơtro ‘nâng. Kố cho môi um méa ki bâ eăng vâ mâu pú hmâ hơnăm ối nếo xuân môi tiah kuăn pơlê kong kơdrâm Đà Lạt kô mơhnhôk ‘na rêm roh tơ’noăng, rêm roh kum, vâ ăm mâu vâi o ai môi rơnó tơ’noăng châ tơ-[rê’’.

Tuấn Anh chêh

A Sa Ly tơplôu [a\ tơbleăng