VOV4.Sêdang - Tiô Khu xiâm ngăn cheăng pêi - Mô đô̆i rong ƀă rêh ối pơlê pơla pơlê kong kân Hồ Chí Minh, nôkố tâi tâng mâu kơvâ cheăng pêi pro tơmeăm a Pơlê kong kân Hồ Chí Minh xuân dế kal mơngế pêi cheăng. Tung mê, mâu kơvâ cheăng ki kal hên mơngế cheăng, môi tiah: Tê mơdró kal ai 7 rơpâu 200 ngế pêi cheăng, tơdroăng cheăng tê mơdró ‘na logistics, a hnôu tơraih rơxế, tơdroăng cheăng mêi a plông mê kal lối 4 rơpâu 800 ngế pêi cheăng, ‘na mâu ngế cheăng tinh riân ngăn liăn kal lối 3.300 ngế, tíu ôm hyô, tíu ối pơtê, ‘na pơchên hmê kơchâi kâ kal vâ chê 2.000 ngế, ‘na mơjiâng hngêi trăng  kal lối 1.600 ngế, ‘na hâng tơmeăm  pro tơmeăm kal 1.400 ngế, marketing kal lối 1.200 ngế...

Tâi tâng rêm kơvâ cheăng a Pơlê kong kân Hồ Chí Minh dế tăng mơngế cheăng

‘Na tơbleăng kơxô̆ liăn tŏng kum má 3, pôa Nguyễn Văn Lâm, Kăn phŏ pơkuâ Khu xiâm ngăn mơngế pêi cheăng, Mô đô̆i tro rong ƀă rêh ối pơlê pơla Pơlê kong kân Hồ Chí Minh ăm ‘nâi, troh nôkố pơlê kong kân hiăng hrê ăm lối 3,7 rơtuh ngế ƀă kơxô̆ ki mê pơtối tâk nếo tiô kơ chôu. Khu xiâm ngăn mơngế pêi cheăng tối troh tâi lơ 15/10 kô pê klêi tơdroăng ‘no ăm liăn rôh má 3.

Gương tơplôu ƀă tơbleăng