VOV4.Sêdang - Hneăng hôp mâu kăn lâp tơnêi têa roh má 13 dêi Đảng dế po a pơlê kong xiâm Hà Nội. Rơtế [ă lâp tơnêi têa, kuăn pơlê mâu hdroâng kuăn ngo Tây Nguyên dế pêi pro mâu hnoăng cheăng vâ koh mơnê Hneăng hôp kân [ă hiâm tuăn loi tơngah, pói ai tơdroăng ki nếo. Pak^ng mâu tơdroăng tơ’noăng vâ ai hnoăng cheăng kân koh hâk mơnê tơdroăng cheăng ki kal kố, khu râ ngăn ‘na tơdroăng cheăng a Tây Nguyên xuân dế pơkâ pêi pro hên hnoăng cheăng kring vế tơniăn, veăng kum ki châ [lê chiâng dêi Hneăng hôp.

Mâu hơnăm hdrối mê hía nah, tơdroăng pơkâ pêi pro tiô troăng to\ng kum dêi Đảng [ă Tơnêi têa [ă kơpong hdroâng kuăn ngo [ă kong ngo ti xê to to\ng kum pro ngiâ méa thôn pơlê a Dak Lak ai hên tơdroăng ki hơ’leh nếo, mê ối to\ng kum hên rơpo\ng hdroâng kuăn ngo mơnhông châ hluăn kơtiê. Koh mơnê Hneăng hôp kân Đảng lâp tơnêi têa roh má 13, pôa Y Đức Êban, mơngế ki châ koh nhuo#m, kăn pơlê Sut Mgrư, kong pơlê Dak Lak loi tơngah ‘na tơdroăng ki hơ’leh nếo dêi pơlê cheăng rơtế [ă tơdroăng ki tơtêk pá ngiâ.

‘’Á pói tơngah Đảng [ă Tơnêi têa to\ng kum [ă kơpong pơlê cheăm dêi hdroâng kuăn ngo, kum hên tâ nếo vâ mơnhông tơdroăng rêh ối dêi vâi krâ - nho\ng o châ tơtêk [ă mơnhông hên tâ nếo. Má péa, cho to\ng kum, mơhnhôk vâi krâ-nho\ng o pôi tá hmâng, ôh tá loi, ôh tá tiô mâu khu ngế ki kơneăm. Loi tơngah tơdroăng pơkuâ ngăn dêi Đảng, đi đo tiô Đảng, đi đo tiô Tơnêi têa vâ mơnhông tơdroăng rêh kâ ối dêi kuăn pơlê châ tơtêk hên tâ mâu hơnăm hdrối mê hía nah’’.

Khu mô đo#i gak tơkăng kong Dak Lak thăm mơdêk tơdroăng lăm pơtrui, gak ngăn tung hneăng ki vâ chê troh Hneăng hôp kân Đảng

Pôa Y Phen Niê, Kăn hnê ngăn Khu kuăn pơlê pêi chiâk cheăm Dray Sáp, tơring Krông Ana, kong pơlê Dak Lak tối tiah kố, tơdroăng cheăng kăn [o# tối tơdjoâm, tơdroăng rah xo mơngế hdrối rêm Hneăng hôp kân Đảng [ă tơdroăng cheăng pơkuâ ngăn dêi Đảng tối krê cho tơdroăng ki kal păng ‘nâng, tơdjâk troh tơdroăng ki [lêi chiâng dêi Hneăng hôp kân Đảng [ă tơdroăng pơkuâ ngăn dêi Đảng. Xua ti mê, rêm hdroh Hôp kân Đảng, tí xê krê to pôa mê hên ngế kuăn pơlê Việt Nam xuân pơrá tơkôm Hneăng hôp kân mê kô châ rah xo mâu kăn [o# ki ai tuăn hiâm tơdrăng le\m, rơkê kơnía khât, rế ai hiâm mơno ki trâu hơngế, rế ai tuăn tơmiât vâ pleăng dêi hnoăng hên ăm kuăn pơlê, mơdêk ivá tơru\m vâ mơnhông tơnêi têa xông tơtêk.

‘’Pói tơngah Hneăng hôp kô châ rah xo mơngế pơkuâ xiâm, [ă ngế pơkuâ xiâm mê athế kơdo mơ-eăm, khên tơnôu, ôh tá ai tơdroăng ki lơ tơmâng to vâi ah pro tơ’nhê hiâm tuăn dêi Đảng, klêi mê, xuân pro kơdroh tơdroăng loi tơngah dêi kuăn pơlê pêi chiâk [ă Đảng. Đảng cho Đảng pơkuâ xiâm tâi tâng, kal athế ai môi ngế ai tuăn mơno le\m tơdrăng, rơkê ple\ng păng ‘nâng vâ pơkuâ tơnêi têa Việt Nam kâi châ tơtêk tung la ngiâ’’.

Khu rơxông Kon Tum tơ’noăng koh mơnê Hneăng hôp kân Đảng

Dak Lak cho kong pơlê ki kal má môi tung pêi cheăng kâ, kring vế, gak ngăn dêi kơpong Tây Nguyên [ă lâp tơnêi têa, ai lối 73 km troăng tíu tơkăng kong achê [ă kong têa Kul. Vâ veăng kum kring vế tơniăn păng ‘nâng ăm Hneăng hôp kân Đảng lâp tơnêi têa roh má 13, rêm ngế kăn [o#, mâu lêng Mô đo#i gak tíu tơkăng kong, tơdrêng [ă hnoăng cheăng thăm mơdêk pôu râng hnoăng cheăng gak ngăn tơkăng kong, mâu khu râ hiăng thăm rế pôu hên mâu pơlê cheăm vâ tí tăng ‘nâi ple\ng tơdroăng, tơleăng mơnhên, to\ng kum tâi tâng mâu tơdroăng tung kơpong tíu tơkăng kong, ôh tá lôi ai tơdroăng ki tơxul tơxal ah lơ tơdjâk chiâng ‘mêi ăm tơdroăng rêh ối kuăn pơlê a kơpong tíu tơkăng kong tung mâu hâi po hneăng hôp kân Đảng. Trung tă Nguyễn Thanh Tùng, Kăn đông gak tíu tơkăng kong Ea Hleo, Khu pơkuâ ngăn mô đo#i gak tíu tơkăng kong dêi kong pơlê Dak Lak ăm ‘nâi:

‘’{ă mâu đông lêng hiăng pơkâ mơ’no mâu khu lêng a kơpong tíu tơkăng kong lăm pơtrui vâ tí tăng ‘nâi ple\ng vâ re\ng teăm hbrâ rơnáu. Pak^ng mê, khu đông lêng xuân ối rak vế, lăm pơtrui đi đo, lăm râ ngăn tung tíu tơkăng kong ki đông pơkuâ ngăn cho rế vâ hbrâ mơdât pơreăng kân COVID-19, mê khu đông lêng hiăng kring vế rak ngăn krâu khât drô tơneăn, klêi mê, xuân gak ngăn krâu khât kơpong tíu tơkăng kong [ă kong pơlê Dak Lak vâ kring vế tơniăn ăm Hneăng hôp kân mâu kăn Đảng tung lâp plâi tơnêi má 13’’.

Koh hâk Hneăng hôp kân Đảng roh má 13 [ă tuăn loi tơngah ki châ [lêi chiâng le\m tơniăn [ă tơngah hên troăng hơlâ pơkâ dêi Đảng [ă Tơnêi têa vâ chông djâ tơnêi têa mơnhông tung pơla mâu hơnăm la ngiâ. Tơdrêng [ă mâu troăng pơkâ vâ mơnhông pêi cheăng kâ-mơhno túa le\m tro-rêh ối pơlê pơla. Thie#u tă Huỳnh Trọng Hiếu, Ngế hnê ngăn pho\ cheăng kal kí đông gak tơkăng kong Yok Mbre, ối tung Khu pơkuâ ngăn mô đo#i gak tíu tơkăng kong dêi kong pơlê Dak Lak pói rơhêng vâ mâu hneăng hôp kân to\ng kum hên tâ nếo troh tơdroăng kring vế, gak ngăn tíu tơkăng kong dêi tơnêi têa:

‘’Tơdrêng [ă tâi tâng Đảng, tâi tâng khu lêng [ă kuăn pơlê kơpong tíu tơkăng kong cho hâk ro, phiu niu koh hâk mơnê Hneăng hôp kân Đảng roh má 13. {ă Hneăng hôp kân roh kố, [ă khu lêng mô đo#i gak tơkăng kong ngin pói rơhêng vâ pơtối châ to\ng kum kân khât dêi tơdroăng pơkuâ ngăn dêi Đảng, Tơnêi têa xuân môi tiah tơdroăng pơkuâ ngăn rêm râ [ă tơdroăng kring vế hnoăng cheăng kring vế tơniăn tíu tơkăng kong tơnêi têa, ôh tá tá xê krê to dêi mô đo#i gak tơkăng kong dêi kong pơlê Dak Lak, mê cho [ă khu lêng mô đo#i gak tơkăng kong Việt Nam’’.

A kong pơlê Kon Tum, Khu pơkuâ ngăn Đoân droh rơtăm kong pơlê hiăng mơ’no hnoăng cheăng: ’’Khu rơxông nếo Kon Tum 90 hâi tơ’noăng koh mơnê Hneăng hôp kân Đảng lâp tơnêi têa roh má 13 [ă 90 hâi mơjiâng Đoân droh rơtăm Ko\ng san Hồ Chí Minh. {ă hiâm mơno ‘’90 hơnăm - Mâu tơmeăm khoăng dêi khu droh rơtăm ko\ng san’’, tung 90 hâi tơ’noăng, rêm râ Đoân droh rơtăm dêi kong pơlê Kon Tum chêh tối dêi inâi, pôu râng hnoăng cheăng, pơkuâ mơjiâng pro hên tơmeăm khoăng, tơdroăng cheăng dêi khu droh rơtăm ki pleăng dêi tuăn hiâm rơkê [ă ivá hơnăm ối nếo xua tơdroăng mơnhông dêi pơlê pơla. Ngoh Xiêng Thanh Phúc, Kăn pơkuâ hnê ngăn Đoân droh rơtăm kong pơlê Kon Tum tối ăm ‘nâi:

‘’Ki xiâm dêi tơdroăng cheăng mê rêm râ Đoân droh rơtăm tơku\m po mơ’no cheăng ki nhên khât, mê cho pơkâ mâu tơdroăng cheăng dêi khu droh rơtăm, hnoăng cheăng dêi khu droh rơtăm. Khu ngăn Đoân droh rơtăm veăng mơjiâng thôn pơlê nếo, kơpho# ki hloh hlê rơkê ple\ng. Pơkâ cheăng ăm đoân viên, vâi droh rơtăm [ă mâu tíu ki tơbâ, mâu tíu ki kal dêi tơnêi têa. Veăng pơtâng tối ăm khu râ kăn hnê ngăn Đảng, khu kăn pơkuâ ki veăng tơpui tơno [ă đoân viên droh rơtăm ‘na tuăn hiâm pói vâ dêi khu droh rơtăm. Rêm râ Đoân droh rơtăm pơtối hnê tối tơdroăng ki kal dêi kach măng ă mâu đoân viên droh rơtăm’’.

{ă mâu tơdroăng cheăng ki tơ-[rê ai pơxúa khât, mâu kuăn pơlê mâu hdroâng kuăn ngo Tây Nguyên, mâu khu râ, kơvâ cheăng dế mơ’no dêi ivá mơno tơ’noăng koh mơnê Hneăng hôp kân mâu kăn lâp tơnêi roh má 13 dêi Đảng [ă tơdroăng pói vâ, châ ai, thăm loi tơngah ki nếo.

VOV Tây Nguyên

Nhat Lisa tơplôu [ă tơbleăng