Ngoh Ksor Ngin, kot mâ hơnăm 1978, hdroâng ngế Jarai, ối a pơlê Tiếng Hai, cheăm Tân Sơn, pơlê kong kơdrâm Plei Ku, kong pơlê Gialai ăm ‘nâi: Hơnăm hiăng hluâ, rơpo\ng ngoh kơdroh vâ châ tơdế kơxo# báu tâng vâ pơchông [ă mâu hơnăm hdrối. Vâ rak tơniăn ăm tơdroăng ki pêi lo liăn vâ ‘no hrê rôe tơmeăm tung rơpo\ng hngêi, hơnăm nếo, ngoh kô pêt tơ’nôm mâu hdrê loăng, kơchâi [ă rak ngăn, kơhnâ pêi cheăng kâ tâ nếo. Ngoh Ksor Ngin tối:

‘’Rơpo\ng á pêi 5 sao klâng, rêm hơnăm rơpo\ng á châ xo dêi 75 kơxâk báu. Mê hơnăm kố xua kong tô mơdrăng, ôh tá ai mêi, mê á poê bú châ xo 40 kơxâk. Hơnăm 2017 kố, vâ tơdroăng rêh ối tung rơpo\ng hngêi ai hên tơdroăng ki hơ’lêh, á kô mơ-eăm pêi cheăng vâ mơnhông mơdêk tro tâ, á kô ‘no liăn pêt mơjiâng 200 xiâm tiu, pêt tơ’nôm kơchâi, xua rơpo\ng á ôh tá ai liăn hrê roê tơmeăm kâ rêm hâi’’.

Têt Đinh Dậu hơnăm 2016, maluâ ôh tá tơniăn ‘na hyôh kong prâi, la rơpo\ng jâ K’Bri, kơpho# Kon Tách Đăng, pơlê kân Đinh Văn, tơring Lâm Hà, kong pơlê Lâm Đồng xuân sôk ro tơdah Têt. Klêi mâu hâi pơtê Têt, jâ lo lăm dêi a kơdrum chiâk deăng vâ rak ngăn dêi hdrê loăng pêt.

‘’Hiăng klêi kâ Têt, á lo lăm dêi a chiâk vâ rak ngăn hdrê loăng pêt, môi tiah klâng, poê tơkâng kơphế, tôh têa, rơvât phon. Hơnăm nếo kố, rơhêng vâ rêm tơdroăng cheăng ki pin pêi pơrá kô châ tơ-[rê. Rơhêng vâ môi hơnăm nếo kong prâi tơtro vâ rêm ngế ai môi rơnó châ xo dêi hên kế tơmeăm, hdrê loăng pêt ai plâi kơtốu hên, kloăng gá dâi le\m châ kơtốu hên tâ’’.

Pôa  A Yêu, kuăn ngo Rơteăng, ối a pơlê Kon Đo, cheăm Đak Rơnga, tơring Đak Tô, kong pơlê Kontum ai 8 ha loăng kơxu, kaphế, loăng ‘mố. Pôa ối tơku\m păn ro, chu, [ă í, ai drêng ‘nâ mâu í tâk troh 100 to. Xiâm ki châ xo hâi teăm hên, la pôa púi vâ châ kơjo kum mâu rơpo\ng tung thôn rơtế mơnhông cheăng kâ. Hơnăm nếo kố , pôa A Yêu tơmiât vâ pêi mâu tơdroăng cheăng:

‘’Hơnăm 2016 kố nah, a châ veăng hriâm lâm hnê kih thua#t mơdâ pêt hdrê loăng, rơvât phon, rak ngăn loăng kơphế. Rơnó kúa chhá kơxu sap ing hơnăm nah xua yă chu rơpâ ôh tá kúa chhá. Hơnăm nếo kố , pôm loăng yă chu rơpâ a kô hơ’lêh pêt mâu hdrê loăng ki ê [ă păn ro chu í pêap. {ă mâu rơpo\ng kơtiê, a kô pro tơ’lêi hlâu [ă tơdroăng kơnôm vâi kum hnoăng cheăng pêi ăm á, a kô to\ng kum hdrê pêt, hnê túa pêi pêt rak ngăn’’.

Rơpo\ng ngoh Y Thành, ối a pơlê Ol, cheăm Dak NDrô, tơring Krông Nô, kong pơlê Daknông rêh ối kơnôm to ing tơdroăng pêt alâi a tơnêi ngo hmốu kơpong {uôn Choah, a k^ng têa Krông Nô. Xua ing tơdroăng ki kơhnâ rak ngăn pêi cheăng kâ, mê hơnăm kố nah, maluâ kong prâi ôh tá tơniăn, rơpo\ng ngoh xuân ối châ xo dêi 50 ta#n alâi, tê châ lối 150 rơtuh liăn. Rơtế [ă kơxo# liăn ki pêi lo sap ing 4 sào klâng báu, on veăng ngoh hiăng ai tơdroăng rêh ối chía niân, păn roăng 5 ngế kuăn hriâm. Ngoh Y Thành, tối tơdroăng ki tơná pêt alâi châ hên tâ tiah kố:

‘’Mot hơnăm nếo, má môi pin athế tơtro\ng rah xo xêh hdrê ki rak tơniăn, tơdrong, kơxâk athế ai chêh tối nhên xiâm kối, mơjiâng pro, roê dêi tíu tê ki châ vâi loi tơngah. Má péa, cho hâi khế, rơnó mơdâ pêt hdrê athế rak tơniăn drêng kong mêi mê nếo mơdâ pêt. {ă môi tơdroăng nếo cho athế rak ngăn, rơvât phon, po nhâ, xôh pơkeăng tro kih thua#t, tiah mê gá nếo le\m, pro ai pơxúa ăm cheăng kâ’’.

Hơnăm nếo, rơnó Hơngui nếo hiăng troh a lâp pơlê dêi mơngế Rơteăng a kong pơlê Kontum. Tung hâi sôk ro dêi rêm ngế [ă tơnêi têa, rêm ngế kuăn pơlê Rơteăng xuân pơkâ ăm dêi tơná, rơpo\ng hngêi tơdroăng pêi tung hơnăm nếo 2017 kố mơ-eăm tâ nếo tung cheăng kâ vâ tơ-[rê. Cho mơngế kuăn dêi Rơteăng, hiăng chât hơnăm hmâ [ă tơdroăng hnê hriâm a cheăm ki hơngế hơngo Ngọc Réo, tơring Đak Hà, púi vâ dêi thái A Thuin, kăn pơkuâ hngêi trung râ má môi Lê Hồng Phong cho pơxúa ăm tơdroăng ki le\m ăm lối 400 ngế hok tro ki mơjo pâ. Thái A Thuin, tối:

‘’Hơnăm 2017 tiô tơdroăng pơkâ, ‘na ki tơ-[rê dêi hok tro tung kơhnâ lăm hriâm a hngêi trung kô mơ-eăm mơnhông tung hơnăm nếo kố. To tơdroăng mơjiâng hngêi trung ngăn to ai liăn ngân, ôh tá xê pêi pro tơdrêng hlối. La tơná a đi đo tí tăng ‘nâi ple\ng ăm râ kơpêng pro ti lâi tơmâng pro tơmeăm khoăng tơniăn ăm tơdroăng hnê [ă hriâm. Á xuân đi đo lăm pôu  a hngêi mâu hok tro tối mơhnhôk mâu nôu pâ vâi hlê ple\ng tơdroăng ki kal dêi tơdroăng hnê hriâm ing mê vâ hok tro kơhnâ, mơ-eăm hriâm rơkê châ tơ-[rê môi tiah hngêi trung vâi pú há’’.

Gương prế Katarina Nga tơplôu [ă tơbleăng