Đông cho hngêi, tíu tơkăng kong cho pơlê, Têt a đông lêng tíu tơkăng kong Lệ Thanh mơhé châ tơku\m po re\ng tâ châ tơdế khế, laga xuân tu\m têk, mơngiơk khôi vâi krâ, môi tiah kơ-[a\n tơxông, plâi kâ, reăng đao, reăng mai. Mâu mô đo#i [a\ kơpeăng ko\ng [ea\n [e\ng rơkê, xua mê, mâu kơ-[a\n tơxông châ luo#m a đông le\m mơnâ mâ ngăn. Nôkố a tíu kố ối ai tơ’nôm mơngiơk le\m, sôk ro má môi cho ai mâu kơchâi drêh krúa le\m, châ pêt ing kơpeăng ko\ng mâu ngế lêng. Đăi u\y Nguyễn Văn Quang, cheăng ‘na Kal kí kăn pho\ pơkuâ đông kring vế tíu tơkăng kong tíu tê mơdró lâp plâi tơnêi Lệ Thanh tối ăm ‘nâi:

‘’Đông ngin ai mâu ngế mô đo#i hơnăm ối nếo, hơnăm apoăng kâ Têt a đông. Mơnhên vâ hbrâ ăm mâu mô đo#i piu lôi tơdroăng pâ hngêi, rơtế [ă đông veăng gâk ngăn tíu tơkăng kong dêi tơnêi têa, gâk kring cheăng kal kí, tơniăn tung pơlê pơla, mê Đảng ủy, Khu xiâm pơkuâ lêng hiăng hbrâ tu\m têk kế kâ, ká, hơ’nêh, kơ-[a\n tơxông [a\ plâi kâ vâ tơniăn ăm kăn [o# lêng tung mâu hâi têt’’.

Kăn [o#, lêng Đông gak tơkăng kong Lệ Thanh tơdah Têt hdrối

Sôk ro rơnó hơngui laga ôh tá piu hnoăng cheăng. Mâu hnoăng cheăng gâk kring hnoăng pơkuâ xuân châ đông gâk kring tíu tơkăng kong dêi tíu tê mơdró [a\ lâp plâi tơnêi Lệ Thanh tơku\m po đi đo, pơtối tâi tâng khu lêng dêi đông kring vế, hbrâ tơnáu pêi hnoăng cheăng châ pơcháu. Tơdroăng séa ngăn, pơkuâ mơngế, rơxế, kế tơmeăm mot lo a kơpong tíu tơkăng kong châ pêi pro tơtro, vâ kum pơkuâ, gâk kring krá tơniăn troăng tíu tơkăng kong, tơneăn a tíu tơkăng kong đông pơkuâ. Đông xuân tơru\m krá tơniăn [a\ khu cheăng tung pơlê pơla vâ pêi pro tơtro tơdroăng rak tơniăn gâk kring hdrối, tung [a\ kơ’nâi roh Têt Đinh Dậu hơnăm 2017. Lăm séa ngăn drô troăng tíu tơkăng kong, Thươ\ng u\y Đào Quang Tài, Kăn pơkuâ khu séa ngăn mơ-éa, đông mô đo#i gâk kring tíu tơkăng kong Lệ Thanh, tối:

‘’Ngin đi đo mơnhên tơdroăng séa ngăn, pơkuâ a tíu tơkăng kong cho tơdroăng đi đo pêi dêi khu gâk ngăn tíu tơkăng kong. Ing tơdroăng séa ngăn, pơkuâ, ngin teăm mơdât tơdroăng lăm tơkâ tíu tơkăng kong, pơto loăng, tê mơdró ôh tá tro luât, lu lêa tung tê mơdró. Ing mê, ngin gâk ngăn troăng tíu tơkăng kong, tơneăn, kum tơniăn tung gâk ngăn tung kong pơlê, xuân môi tiah rak tơniăn tíu tơkăng kong dêi tơnêi têa. Klăng roh Têt Đinh Dậu hơnăm 2017, ngin rơkâu mâu hdroâng mơngế lâp tơnêi têa kâ têt sôk ro, hơniâp ro, phâi tơtô achê dêi nho\ng o. Rơkâu khu lêng pêi rơkê tơtro tơdroăng cheăng [a\ hbrâ tơnáu, pêi pro tro hnoăng cheăng châ pơcháu’’.

Lêng lăm pơtrui a kơpong tíu tơkăng kong

Rơtế pêi pro hnoăng cheăng gâk kring, tơniăn pơlê pơla [a\ mâu kăn [o#, lêng gâk kring tíu tơkăng kong u ối kơdrâm kuăn pơlê tung tíu tơkăng kong. Tâi tâng 12 thôn pơlê dêi tíu tơkăng kong Ia Dom pơrá mơjiâng tôh ki pơkuâ gâk kring xêh, râ cheăm mê ai khu lêng kuăn pơlê, rơtế veăng mâu mô đo#i gâk kring tíu tơkăng kong lăm séa ngăn, tơniăn tung gâk ngăn, tơniăn tung roh Têt. Rơtế séa ngăn a troăng tíu tơkăng kong [a\ mâu lêng gâk tíu tơkăng kong, ngoh Trương Thanh Hùng, Tiêug đo#i trương pơkuâ khu lêng kuăn pơlê cheăm Ia Dom, tơring Đức Cơ, tối:

‘’Khu lêng kuăn pơlê ngin pêi pro hnê mơhno dêi râ kơpêng, đi đo veăng kum mâu tơdroăng séa ngăn tíu tơkăng kong, séa ngăn tung pơlê pơla, séa ngăn vâ teăm châ mơdât mâu roh tơdroăng ki lơ ai tong kế tơmeăm khoăng, xiăn pâm [a\ séa ngăn tíu tơkăng kong vâ hbrâ mơdât mơngế tơkâ hluâ tíu tơkăng kong ôh tá tro luât. Tung roh kố, ngin hiăng pơkâ [a\ hbrâ tơnáu pêi pro hnoăng cheăng xua khu kăn kơpêng pơkâ mơ’no’’.

Reăng mai tơdah rơnó Hơngui

Đông mô đo#i gâk kring tíu tơkăng kong lâp plâi tơnêi Lệ Thanh pro đông a cheăm Ia Dom, tơring Đức Cơ, kong pơlê Gialai cho tíu tê mơdró ki kal xua mê, mâu ngế xôi xuân pêi cheăng há. Xua mê, xuân môi tiah Têt ki ê, Têt Đinh Dậu hơnăm 2017 kố, pak^ng ôu kâ sôk ro tung đông lêng, đi đo cho mơngế lêng tơplâ. Mâu ngế lêng gâk kring tíu tơkăng kong rế tơdah Têt, sôk ro rơnó hơngui, rế tơmâng séa ngăn tíu tơkăng kong, hbrâ tơnáu pêi hnoăng cheăng. Thươ\ng tă Lê Thuần, Kăn pơkuâ Đảng, kăn cheăng kal kí đông mô đo#i gâk kring tíu tơkăng kong Lệ Thanh, tối:

‘’{a\ hnoăng cheăng kal kí ki hngăm tung roh Têt môi tiah mê, Đảng ủy, Khu hnê mơhno đông hiăng pêi tơtro tơdroăng hnê kal kí, hiâm tuăn tơmiât, hlê ple\ng tâi tâng hnoăng cheăng pơkâ, luât pơkâ dêi khu râ kăn kơpêng tung gâk kring Têt troh rêm ngế kăn [o#, lêng. Ing mê, thăm hlê ple\ng, pôu râng hnoăng cheăng. {a\ mơ-eăm kơhnâ khât cho sôk ro rơnó hơngui nếo ôh tá piu lôi hnoăng cheăng, tơniăn gâk kring tíu tơkăng kong, pơlê pơla ó rơdêi, rak vế tơniăn le\m ăm kuăn pơlê tung tơnêi têa tơdah têt phâi tơtô, sôk ro, tơniăn’’.

Môi rơnó hơngui nếo troh a tíu tơkăng kong Đức Cơ. Tơdroăng ki kơhnâ, hbrâ pêi mâu hnoăng cheăng dêi đông gâk kring tíu tơkăng kong tê mơdró [a\ lâp plâi tơnêi Lệ Thanh hiăng kum kal khât vâ rak tơniăn ăm pơlê pơla. Ing mê, kuăn pơlê tung kơpong hmiân tuăn pêi cheăng kâ, kum mơjiâng môi kơpong tíu tơkăng kong ó rơdêi./.

Công Bắc chêh

A Sa Ly tơplôu [a\ tơbleăng