VOV4.Sêdang - Hâi kố cho hâi má 30 Têt, a drô troăng tơkăng kong ki xo\n lối 292 km tơdjêp [ă péa to kong têa pú cho Lếo [ă Kul, kuăn pơlê rơtế [ă mâu kăn [o#, lêng mố đo#i gak tơkăng kong dêi kong pơlê Kon Tum xuân dế tung tơdroăng ki phâi tơtô, tơdah rôh vâ hơ’leh pơla hơnăm ton Canh Tý 2020 [ă hơnăm nếo Tân Sửu 2021.

Têt hơnăm ki lâi xuân môi tiah, drô tơkăng kong xo\n lối 292 km achê [ă kong têa Lếo [ă Kul pơla troăng dêi kong pơlê Kon Tum, thôn pơlê ki lâi xuân hlo chúa hlá cờ Đảng, hlá cờ Tơnêi têa. Tơdrêng [ă Têt krê a rêm rơpo\ng hngêi, ối a tíu tơkăng kong dêi kong pơlê Kon Tum ối ai Têt tơchoâm ăm rêm thôn pơlê, [ă veăng ro [ă mâu lêng tíu tơkăng kong. Ngoh Thao Mía, pơlê Bun Ngai, cheăm Sa Loong, tơring Ngọc Hồi phiu ro tối: mơhé tơvâ hên tơdroăng cheăng, vâ tơniăn ăm tíu tơkăng kong, mâu kăn [o#, mâu lêng tíu tơkăng kong xuân thế x^ng xoăng hâi chôu rơtế [ă kuăn pơlê pro kơ-[ăn, hbrâ rơnáu tơdah Têt, mê kuăn pơlê tâ hơniâp tung hiâm mơno:

“Kăn [o#, mâu lêng đông tơkăng kong Sa Loong lăm veăng kâ Têt [ă kuăn pơlê, kum kuăn pơlê hên. Mô đo#i gak tơkăng kong kum kuăn pơlê, hnê kuăn pơlê kơxu kơ-[ăn tơxông, tơku\m po mơhno túa le\m tro, xah hơdruê xuâng, trâm dêi rơpó xah peăng [a long. Hdrối mê xuân hiăng tí tăng ‘nâi kơ-êng ngăn tơrêm rơpo\ng vâ ’nâi rơpo\ng ki lâi ôh tá ai hmê kâ, hbru ăm phái kâ tung rôh Têt. Kuăn pơlê phiu ro tro kơ tuăn ngăn kăn [o#, mâu lêng gak tíu tơkăng kong môi tiah dêi mơngế tung rơpo\ng hngêi tơná’’.

Hiăng chiâng môi tiah hmâ, tâi tâng mâu đông tơkăng kong a 13 to cheăm tơkăng kong dêi 4 tơring: Đăk Glêi, Ngọc Hồi, Sa Thầy [ă Ia H’Drai dêi kong pơlê Kon Tum hơnăm ki lâi xuân tơku\m po kâ Têt [ă kuăn pơlê. Trung tă Phan Trọng Bình, Kăn ngăn Đông tơkăng kong Sa Loong, tơring tơkăng kong Ngọc Hồi ăm ‘nâi, tơdrêng [ă tơdroăng cheăng rak ngăn kring vế tíu tơkăng kong xo\n lối 17 km achê tơkăng kong dêi kong têa Kul tung tung pơla ai pơreăng Covid-19 dế tâ tú rơ-iô, tơdroăng tơru\m [ă mâu kăn cheăm tơku\m po phiu ro Têt [ă kuăn pơlê xuân môi tiah mâu kăn [o#, mâu lêng dêi đông mơnhên hlối cho hnoăng cheăng, hlối cho tơdroăng ki khíu pâ dêi rơpó:

“Đông tơkăng kong Sa Loong tơru\m [ă kong pơlê tơku\m po hâi leh pro kơ-[ăn tơxông. Kố cho tơdroăng hmâ pêi pro dêi mố đo#i tơkăng kong tung lâp tơnêi têa. Đông tơkăng kong tơru\m [ă mâu kăn Đảng, mâu kăn cheăm tí tăng ngăn vâ ‘nâi mâu rơpo\ng ki lâi chía hôm, ai liăn kâ Têt veăng kum, teăm tơdrêng vâ kuăn pơlê châ tơdah Têt tơtô pôi tá ai rơpo\ng ki lôi pá ro\ng [ă thế kâ Têt châ tơniăn’’.

Cheăm tơkăng kong Sa Loong, tơring Ngọc Hồi, kong pơlê Kon Tum ăi 1.479 rơpo\ng kuăn pơlê [ă lối 6 rơpâu pơ’leăng mâ mơngế. Tung mê, ai lối 85% cho kuăn ngo. Tơdrêng [ă mơngế Rơteăng akố ki hên ai mâu rơpo\ng dêi 14 hdroâng kuăn ngo lo ing peăng Kơnho\ng mot rêh ối akố, môi tiah kuăn ngo Mường, Thái, Tày [ă kuăn ngo ki ê. Xua mê, hâi Têt a tíu tơkăng kong Sa Loong ai hên ki tơviah. Pak^ng tơxông prông, drôu xiâm, kâ kơchâi hơpôe, kơxu\n [ă hên kơchâi ki ê, mê nếo ối ai hơ’neh kho, chế lam, kơ[ăn khảo. Pak^ng idrâp chêng koăng, túa kơ’râu xuâng ki hmâ dêi mơngế Rơteăng ối ai túa xuâng xoè, idrâp xuâng kơ’no\ng  dêi túa mơngế Tây Bắc.

Tung tơdroăng phiu ro hâi mơ’nui hơnăm, tâi tâng kuăn pơlê mâu kăn cheăm Sa Loong xuân ‘măn ăm tơdroăng hơniâp ro má môi drêng tối ‘na kăn [o#, mâu lêng gak tơkăng kong. Pôa A Chơl, kăn thôn Yang Lo# 2 ăm ‘nâi:

“Hơnăm ki lâi xuân môi tiah mê, kăn [o# mâu lêng đông tơkăng kong Sa Loong hâi Têt xuân troh [ă kuăn pơlê. Kơnôm mố đo#i gak tơkăng kong kuăn pơlê nếo ‘nâi kơxu kơ-[ăn tơxông. Rơpo\ng kơtiê, rơpo\ng ôh tá ai ngế păn roăng tung pơlê mê châ mô đo#i gak tơkăng kong hbru tơmeăm, ăm kơ-[ăn chưng kâ Têt. Kuăn pơlê hâk phiu ro. Têt hơnăm kố kong hngíu la tơtô’’.

Hâi mơ’nui hơnăm, djâ tơdroăng phiu ro Têt [ă tung hiâm mơno tâ tơtô dêi kuăn pơlê a tíu tơkăng kong, mâu khu dêi mố đo#i gak tơkăng kong Sa Loong rơh^ng rơhối lăm pơtrui gak a mâu tíu hdró gak ngăn drô troăng tơkăng kong. Hdró tíu ai pơreăng Covid-19 tâ tú rơ-iô, vâ kuăn pơlê châ rêh ối hơniâp ro. Xah ro hâi Têt, tơdah ro rơnó hơngui, pêi pro tiô hnê mơhno dêi Đảng, Tơnêi têa, Khu xiâm pơkuâ ngăn lêng gak tơkăng kong tơdrêng [ă luât pơkâ ing plâi nuih, mâu kăn [o#, mâu lêng Đông tơkăng kong Sa Loong mê Têt hơnăm kố ối rak vế 3 tíu gak ngăn ki krá tơniăn a tíu tơkăng kong mơ-eăm ôh tá ăm mơngế [ă pơreăng châ mot tâ tú tung tơnêi têa.

            Khoa Điềm chêh

Gương tơplôu [ă tơbleăng