VOV4.Sêdang - Ôm hyô ngăn chiâk deăng cho tơmeăm ôm hyô ki nếo dêi Đà Lạt – Lâm Đồng hiăng pro le\m tơ’mot krâm tơmối troh hyô ngăn [ă hlo ki le\m, veăng mơdêk ki tơ-[rê ‘na cheăng kâ ăm kơpong ôm hyô ki xiâm dêi kong pơlê kố. La tung 5 hơnăm mơnúa pêi pro, tơdroăng po rơdâ [ă mơnhông túa ôm hyô ngăn klâng chiâk dêi Đà Lạt –Lâm Đồng hiăng mơhno ăm hlo hên ki oh tá tro, ki ối pro xôi, khoh chiâng trâm pá tơvâ tơvân. Xua mê, Lâm Đồng kho\m thế pơtê tơdroăng pêi pro tiô tơdroăng tơkêa bro ‘no liăn mơjiâng mâu tíu ôm hyô ngăn klâng chiâk tung kong pơlê.

Tung pơla hdrối kố nah, tíu ki lăm ôm hyô pêi chiâk deăng Kơdrum Tơ-uâ kân a troăng Hồ Xuân Hương, bêng 9, pơlê kong kơdrâm Đà Lạt, Lâm Đồng đi đo tơ’mot hên tơmối troh lăm hyô ngăn. Akố, ôh ti xê pêt to mâu hdrê tơ-uâ ki kân, tíu kố ối tăng tơku\m [ă pêt hên hdrê tơ-uâ ki phá tơviah, mâu túa kơchâi plâi pôm xiâm dêi Đà Lạt. Nâ Nguyễn Ánh Minh, tơmối lo ing pơlê kong kân Hồ Chí Minh tối tiah kố, ôh tá ai tơdroăng klâi ro tâ tơdroăng ki châ ngăn [ă mâ hlo mâu tơ-uâ ki kân tiah kố, châ pêi, châ krí, châ mơnúa ngăn ki kơhiâm dêi mâu túa kơchâi, plâi pôm Đà Lạt. {ă nâ, sap ing klêi kơ’nâi pơreăng Covid-19 tâ tú troh nôkố, rôh pơtê kố hiăng pro ai pơxúa hên tơdroăng ki ro ăm nâ:

‘’Á hâk vâ khât lăm troh a mâu tíu ôm hyô pêi chiâk deăng môi tiah kố. Á châ tí tăng ‘nâi ple\ng hên túa pêt, hên túa hdrê pêt ki nếo. Rêm rôh lăm ôm hyô mê pơrá hlo tơ’nôm tíu ki nếo, môi tiah rôh kố mê ngế ki pơkuâ kơdrum mơđah tơbleăng tơ’nôm hên túa hdrê tơ-uâ ki nếo ngăn le\m khât. Á tơbleăng ăm hên ngế pú lăm hyô ngăn mê vâi pơrá vâ’’.

{ă Nguyễn Thị Nhung, drêng troh hyô ngăn [ă châ tơná rah xo, krí mâu plâi yâu [ok ki tum a mâu tíu ôm hyô pêi chiâk deăng a bêng 8, pơlê kong kơdrâm Đà Lạt cho môi rôh ki mơnúa ngăn ki nếo, ro. A kố, pak^ng châ mơnúa ngăn tơdroăng cheăng dêi môi khu pêi chiâk deăng, nâ [ă khu pú dêi tơná hiăng xup um rak vế, mâu rôh ki hơniâp ro ki ôh tá la lâi kâi piu dêi rôh lăm ôm hyô kố.

‘’Á hlo hâk vâ khât drêng lăm troh a mâu tíu ôm hyô kơdrum môi tiah kố. Xua châ troh akố pin hiăng châ ngăn [ă mâ mâu hdrê loăng pêt gá xông kân [ă ai plâi tung tơdroăng ki môi tiah lâi. Ing mê, á nếo ‘nâi nhên châ kơmăi kơmok pêt tiô troăng krúa gá tiah lâi, pro ai pơxúa ‘na kế tơmeăm ki dâi le\m ăm mâu ngế ki roê kâ tiah lâi’’.

Môi tíu ôm hyô pêi chiâk deăng tơ’mot hên tơmối troh ôm hyô

Vâ mơdêk ivá rơdêi, kế tơmeăm ki hiăng ai hlâu [ă ki pơxúa ‘na pêi chiâk deăng vâ tí tăng châ tơ-[rê mâu kế tơmeăm xiâm kối chiâng pro ai mâu kế tơmeăm kâ ki nếo kum ăm tơmối ôm hyô, pêi lo liăn tơ’nôm, tăng cheăng pêi [ă mơđah tơbleăng kế tơmeăm pêi chiâk deăng dêi kong pơlê, mơ’nui hơnăm 2015, Vi [an hnê ngăn kong pơlê Lâm Đồng hiăng k^ pơkâ Tơdroăng tơkêa tíu ki mơjiâng pro mâu túa pơkâ ôm hyô pêi chiâk deăng a kong pơlê.

Luâ 5 hơnăm pêi pro, troh nôkố, Lâm Đồng hiăng ai 33 tíu ôm hyô pêi chiâk deăng châ hbru ăm hlá mơ-éa mơnhên [ă pêi cheăng, lối 10 tíu ki ê dế ‘no liăn mơjiâng pro, [ă tâi tâng kơxo# tơmối troh hyô ngăn, vâ chê 4 rơtuh 300 rơpâu ngế [ă kơxo# liăn châ xo sap ing mâu túa pơkâ kố châ vâ chê 200 rơtal liăn, nâp ăm tơnêi têa dâng 20 rơtal liăn.

Tiô pôa Phạm S, kăn pho\ hnê ngăn Vi [an kong pơlê Lâm Đồng, xua Lâm Đồng cho kong pơlê ki apoăng tung lâp tơnêi têa tối tơbleăng tíu ôm hyô pêi chiâk deăng, hnối tơru\m [ă ôm hyô [ă pêt mơjiâng kế tơmeăm pêi chiâk deăng mê hiăng mơhno hên tơdroăng ki ôh tá tơniăn, tung mê xơpá má môi nôkố cho tơdroăng ki rak ngăn tơniăn tung mơjiâng pro a mâu tíu ôm hyô pêi chiâk deăng. Hiăng châ ai tơ’nôm tơdroăng ki mâu khu tơru\m, mâu ngế krê, pro pơxúa ăm dêi tơná ing tơdroăng ki mơjiâng pro túa pơkâ ôm hyô nếo kố vâ ‘no liăn, tê mơdró tê mơdró tơnêi tíu, hngêi trăng [ă hên ki ê pro tơdroăng rak ngăn tơnêi tơníu, tơniăn tung kơpho# rế hía rế xơpá.

Pôa Phạm S, tối:

‘’Tung pơla pơkâ tíu mê hiăng mơhno tối hên tơdroăng ki ôh tá tơniăn, mê cho mâu tơdroăng pơkâ mơnhông ki ku\n, ôh tá ai tu\m tơdroăng ‘na hngêi trăng troăng klông kum ăm tơmối ôm hyô pro ăm tơmối tơpui tối [ă tơdjâk troh tơdroăng cheăng tơdjuôm dêi kơvâ ôm hyô kong pơlê Lâm Đồng [ă pơlê kong kơdrâm Đà Lạt. Hên tíu pêi cheăng pro pơxúa ăm dêi tơná ing túa pơkâ vâ mơjiâng pro hên kế tơmeăm ki kân tung tơnêi pêi chiâk deăng ki ôh tá tro luât. Tơdroăng ki ê nếo cho tơdroăng ki ôh tá tơdrăng tung mơjiâng pro mâu tíu ối pơtê a mâu tíu ôm hyô pêi chiâk deăng dêi tơná, pro ăm tơdroăng ki kơnâ ‘na tơnêi tơníu ôh tá tro, tung pơla tá hâi châ hbru ăm hlá mơ-éa rak ngăn. Tâng ôh tá pơtê hbru ăm mâu hlá mơ-éa phêp kố mê kô tơdjâk kân troh tơdroăng ki rak ngăn tơnêi tơníu, kong kế ôm hyô dêi pơlê kong kơdrâm Đà Lạt’’.

Tơmối hâk vâ drêng châ lăm ôm hyô a chiâk deăng

Cho kơpong kong prâi tơniăn le\m, rơngiâp tâ tá hơnăm, Đà Lạt – Lâm Đồng ai hlâu kế tơmeăm [ă ki rơdêi vâ pêt mâu túa kơchâi plâi pôm ki xiâm, rơtế [ă tơdroăng ki tơtro\ng xúa kơmăi kơmok chal nếo tung pêt mơjiâng hiăng pro ăm kơvâ pêi chiâk deăng mơnhông rơdêi. Kố cho tơdroăng ki kal [ă tu\m, cho ki pơxúa, iâ ai vâ Đà Lạt – Lâm Đồng mơnhông rơdêi ôm hyô pêi chiâk deăng [ă hnối tơdjâk mâu kơvâ cheăng kâ ki ê. Xua mê, Vi [an hnê ngăn kong pơlê Lâm Đồng dế hnê mơhno mâu tíu pêi cheăng ki ai tơdjâk tơku\m po séa ngăn, mơjiâng [ă ‘mâi rơnêu mâu tơdroăng pơkâ tơtro vâ ‘mâi rơnêu mâu tơdroăng ki ôh tá tơniăn, djâ túa pơkâ ôm hyô pêi chiâk deăng mơnhông mơdêk krá tơniăn ton tung la ngiâ.

Quang Sáng chêh

Katarina Nga tơplôu [ă tơbleăng