VOV4.Sêdang - A rôh hôp mơ‘no tơdrêng tung um tơvi mơdêk hbrâ mơdât pơreăng Covid -19 kơxo lơ 23/12, a Hà Nội, pôa Nguyễn Thanh Long, Ngế xiâm ngăn pơkeăng [ă khăm pơlât tô tuăn ‘na tơdroăng ki hơ’leh dêi túa virus SARS CoV-2 pro chiâng pơreăng Covid-19 hiăng hlo trâm a kong têa Ănglê tung pơla hdrối kố nah. Tiô pôa Nguyễn Thanh Long, tơdroăng ki hơ’leh dêi túa virus pro chiâng ai pơreăng Covid-19 a kong têa Ănglê mơni kô pro mơdêk ki tâ tú dêi pơreăng kố tâk troh 70%.

Hdrối nah, a tơnêi têa pin hiăng trâm tơdroăng ki hơ’leh dêi virus pro chiâng ai pơreăng Covid-19 a Đà Nẵng, la drêng mê Việt Nam tơpá vâ hbrâ mơdât. Xua mê, hnoăng cheăng hbrâ mơdât virus pro hơ’leh tâ tú cho kal khât. Pôa Đặng Quang Tấn, ngế xiâm ngăn pơkeăng [ă hbrâ mơdât pơreăng ối tung Khu xiâm ngăn pơkeăng [ă khăm pơlât ăm ‘nâi, pak^ng tơdroăng ki mơdêk séa ngăn re\ng vâ ‘nâi ‘na túa ki hơ’leh dêi virus SARS CoV-2 tâng ai, Việt Nam dế mơdêk pêi pro kơtăng mâu troăng hơlâ klâ ối krê, séa ngăn ivá mâu ngế ki mot tung tơnêi têa pin vâ hbrâ mơdât ki tâ tú dêi Covid-19 tung pơlê pơla.

Katarina Nga tơplôu [ă tơbleăng