Hơnăm hriêm kố, hngêi trung mầm non cheăm Đak Mar, tơring Đak Hà ai 587 ngế hok tro, tung mê ai 280 ngế vâi ‘ne\ng ki djâ dêi hmê kâ. Rêm hâi, vâ pế hmê ăm vâi kâ a kơhâi dế [ă kâ peăng kong xêi, 2 ngế ki pế pơchên mê rơtế [ă mâu kố tung hnêi trung tơvâ tơvân hên tơdroăng cheăng. Cô Phạm Thị Hương, kăn pơkuâ hngêi trung mầm non cheăm Đak Mar ăm ‘nâi, vâ ai hmê kâ [ă tơniăn krúa ‘na kế kâ, hngêi trung tơmâng khât mâu tơdroăng xap ing rôe mâo kế kâ, pêi, pế pơchên, ‘măn [ă hên tơdroăng ki ê ta troh drêng ai hmê kâ ăm vâi ‘ne\ng.  La, tá drêng hiăng pêi pro tro mâu tơdroăng pơkâ kơtăng, tơdroăng tô tuăn xâo lơ tro hơ ôu kế kâ xuân thế hbrâ tơnáo. Cô Phạm Thị Phương tối:

‘’ Tô tuăn ‘nâng. Hlua 24 chôu la tâng oh tá hlo nôu pâ tơbleăng tối dêi kuăn ‘ne\ng oh tá tro hơ ôu lơ tung pơla rak ngăn vâi ‘ne\ng a hngêi trung ôh tá hlo ai tơdroăng klâi, drêng mê  mâu kăn [o# rak ngăn troh mâu cô, mâu ki pêi cheăng mê nếo hmiên tue#n’’

Vâ kơdroh ki rơ iô ‘na tro hơ ôu kế kâ a tíu pế pơchên hmê kâ pú hên, hên mâu hngêi trung a tơring Đak Hà mơhnhôk mâu đoân viên kông đoân, đoân viên droh rơtăm mơjiâng pro kơdrum pêt kơchâi krúa a tíu ối, lơ tăng xêh troăng hơlâ ‘’pêt vâ rôe’’ kơchâi krúa ki ê. Cô Dương Thị Tuyết, kăn pơkuâ hngêi trung mầm non Sơn Ca, pơlê kân Đak Hà ăm ‘nâi, Kăn pơkuâ hngêi trung pơkâ thế kăn [o# mâu ki pêi cheăng dêi hngêi trung vêh a hngêi mơhnhôk mâu ngế tung on veăng rơpo\ng hngêi pêt xêh kơchâi [ă mâu túa prá, tê ăm hngêi trung. {ă tơdroăng pêi pro mê, tíu pế pơchên hmê kâ pú hên ki vâ drêh 256 ngế hok tro dêi hngêi trung mầm non Sơn Ca hiăng kâi tah tơdroăng ki rơ iô tro hơ ôu kế kâ ing kơchâi drêh. Mơhé taih mê, tơdroăng kố oh tá xê hiăng tâi tơdroăng ki tô tuăn. Cô Dương Thị Tuyết, ăm ‘nâi:

‘‘Na kế kâ hngêi trung kô chiâng pêi vâ ăm mâu vâi ‘ne\ng kâ mê hngêi trung hmiên tuăn iâ. ‘Na mâu tơmeăm kế kâ ki pin khom thế rôe pá gong ing tơdroăng séa ngăn đi đo. ‘Na ki le\m lơ oh, ‘na séa ngăn vâ ai tiô tơdroăng pơkâ tung kế kâ, pơtih kơxo# hoc môn dêi hơ’nêh, dêi ká ‘ló hngêi trung tơpá vâ châ ‘nâi ‘na tơdroăng mê, xua pin bú hlo to [ăng mâ tê, [ă tơdroăng ki pin hmâ pêi ngăn vâ rah mâu hơ’nêh ki lâi le\m’’.

Tơdroăng ki tô tuăn xâo lơ tro hơ ôu kế kâ a tíu pế pơchên hmê kâ pú hên a mâu hngêi trung tung kong pơlê Kontum cho ai khât. Xua nôkố tơdroăng séa ngăn mâu tơdroăng rôe kế kâ vâ pế pơchên cho tơdroăng ki pá khât, [ă tơpá vâ pêi pro. Mơhé Khu pơkuâ ngăn rêm hngêi trung ai hok tro kâ hmê kơhâi dế xuân hiăng mơ-eăm rah vâ rôe, k^ tơhrâ [ă tíu chiê xâ hơ’nêh chu, í, a kơdrum păn, tíu pêt kơchâi drêh vâ ai mâu kơchâi ăm hngêi trung vâ pế, la oh tá ai ngế ki lâi khên tối dêi tơná hiăng rah kơchâi hơ’nêh ki le\m. Jâ Nguyễn Thị Thanh Thuý, Kăn pho\ pơkuâ {ơrô ngăn hnê hriâm [ă hnê mơhno tơring Đak Tô ăm ‘nâi:

‘’Tâng vâ tối khât a tô tuăn ‘nâng. Xua mâu hngêi trung ngin ôh tá ai tu\m mâu tơmeăm ki vâ test ‘na mâu kơchâi plâi pôm, lơ mâu hơ’nêh drêng rôe vâ pế pơchên vâ ‘nâi gá hôm krúa lơ ôh? [ă kơxo# ki kô hên ngin ôh tá ‘nâi xiâm dêi mâu hơ’nêh kế kâ mê gá hôm krúa lơ ôh?

Ki khât gá a Kontum tung mâu hơnăm hdrối kô nah hiăng hlo hên ngế tro hơ ôu kế kâ tung mâu hngêi trung. Môi tiah pơtối 2 hdrôh tro hơ ôu kế kâ tung hơnăm 2012 a hngêi trung râ má môi Võ Thị Sáu, cheăm Hơ Moong, tơring Sa Thầy [ă  a mâu hngêi trung trung cấp hnê cheăng pêi Kontum, pro 167 ngế hok tro tro hơ ôu kế kâ. Hơnăm 2014, a hngêi trung phôh thông hnê kuăn ngo Phan Đình Phùng, cheăm Hơ Moong, tơring Sa Thầy tro hơ ôu kế kâ pro 48 ngế hok tro lăm pơlât tơdrêng. Kố cho mâu tơdroăng ki thế tơmâng khât.

Hlo tiah mê, pôa Hoàng Chí Trung, Kăn pơkuâ ngăn ‘na pro rak krúa kế kâ kong pơlê Kontum, ăm ‘nâi:

‘’Nôkố tơdroăng séa ngăn kế kâ a mâu tíu pế pơchên hmê kâ pú hên dế pá khât vâ pêi pế. Ki tơ’lêi hlâu bú ai mâu hngêi trung pro tung pơlê kong kơdrâm Kontum, mâu pơlê kân [ă mâu tíu pế pơchên ăm hok tro kâ dêi hngêi trung hnê kuăn ngo. Xua a mâu tíu pế pơchên hmê kâ mê vâi rah rôe hên túa kế kâ, kế ki ối drêh ối le\m [ă a mâu hngêi trung mê ai tíu vâ pêt kơchâi, păn tơ’nôm mâu chu, í pêap vâ ai kơchâi pế ăm hok tro kâ a mê. Ki ê, nôkố tơdroăng rah rôe kơchâi vâ ‘nâi xiâm gá ing lâi cho pá khât, mâluâ cho mâu kơchâi rơpê, plâi, pôm xuân môi tiah hơ’nêh [ă mâu kế kế kâ ki pro ing hơ’nêh. Tíu chiê xâ hơ’nêh tơchoâm nôkố hâi ai. {ă tơdroăng séa ngăn ‘na trếo pơkeăng xôh, rơvât a kế kâ xuân môi tiah ki rơlối pơkeăng a mâu tíu păn, pêt kơchâi tung kuăn pơlê hâi châ séa ngăn kơtăng. ‘Na mâu hngêi trung a kơpong hngế hngo, xua oh tá ai kơxo# liăn ôh tá châ k^ hợp đồng [ă mâu ki pêi pêt kơchâi krúa vâ ai kơchâi ăm tíu pế pơchên hmê kâ. Xua mê, vâi bú rôe dêi mâu ki chơ [ă rơxế thồ la pơla drô troăng chơ sap ing pơlê kong kơdrâm Kontum vâ troh a mâu hngêi trung kơpong hngế hngo, mâu tíu ki hngế ki iâ gá thế sap 4 - 5 chô mê nếo troh. Xua tiah mê kô tơ’lêi ai mâu kuăn kiâ ki ai pơreăng [ă pro chiâng hơ ôu kế kâ hên.

‘Na mâu tơdroăng pêi pro a ngiâ vâ tơniăn ‘na pro rak krúa kế kâ a mâu hngêi trung hriâm a kong pơlê Kontum, pôa Hoàng Chí Trung ăm ‘nâi:

‘’Ngin hiăng hbrâ sap ing apoăng hơnăm mơjiâng tơdroăng pơkâ, tơru\m [ă Khu ngăn ‘na hnê hriâm [ă hnê mơhno xuân môi tiah mâu {ơrô ngăn ‘na hnê hriâm [ă hnê mơhno [ă mâu Vi[an dêi mâu tơring, tơku\m hnê tối [ă hnê tơdroăng ‘na pro rak krúa kế kâ ăm mâu ki pêi hnoăng cheăng rak ngăn, hnê mâu kăn [o# ngăn pơkeăng, mâu ngế  pêi cheăng tung mâu hngêi trung môi tiah thái cô [ă mâu ki pế pơchên hmê kơchâi ăm pú hên kâ. Má péa nếo, ngin tơru\m [ă kăn pơkuâ khu mơdró [ă Khu ngăn hnê hriâm [ă hnê mơhno đi đo lăm ngăn a mâu tíu pế pơchên hmê kơchâi ăm pú hên kâ vâ tơniăn ‘na mâu tơdroăng pêi pế xúa krúa tơniăn kế kâ.

Gương tơplôu [ă tơbleăng