VOV4.Sêdang Kơxo lơ 3/6, Ko\ng an kong pơlê Lâm Đồng Leh tối tơbleăng tơdroăng tơ’noăng vâ tơbâ 50 hơnăm pêi pro tiô hlá mơ-éa chêh rơkong hnê pơchân dêi Pôa Hồ Chí Minh, Kăn xiâm hnê ngăn tơnêi hneăng apoăng, pêi pro tơ’noăng ‘’hlê ple\ng a tíu pêi cheăng’’ xua Ngế pro xiâm hnê ngăn Chin phuh tối tơbleăng.

Tơ’noăng châ tối tơbleăng [ă inâi ‘’Mơdêk hâi 75 hơnăm [lêi trâng, mơdêk tuăn hiâm khên tơnôu, mơjiâng hnoăng pleăng ăm Pôa, xua tơnêi têa dêi tơná, xua vâ kum kuăn pơlê’’. Tơdroăng tơ’noăng châ pêi pro tơtro [ă [ă pơkâ pêi pro ‘’Hbrâ rơnáu, djâ troăng, kơtăng, pôu râng dêi hnoăng cheăng, tơ-[rê’’ [ă mâu tơdroăng ki xiâm: Tơ’noăng pêi pro tro hnoăng cheăng mơjiâng Đảng, mơjiâng khu lêng to\ng kum, Khu tơru\m mâu tơdroăng cheăng tơbâ ai pơxúa, châ tơ-[rê.

‘Na tơdroăng pêi pro ‘’hlê ple\ng ai tíu pêi cheăng, tâi tâng khu lêng, Ko\ng an Lâm Đồng pơtối pêi pro châ tơ-[rê tơdroăng pơkâ kơxo# 07 dêi Khu xiâm ngăn Ko\ng an ‘na ‘’Mơdêk pơkuâ mơdêk ki hlê ple\ng tung mâu roh tơpui Ko\ng an kuăn pơlê tung tơdroăng cheăng nếo’’ [ă mơdêk pêi pro rôh mơhnhôk ‘’Mơjiâng túa rêh ối dêi Ngế ko\ng an kuăn pơlê khên tơnôu, hlê ple\ng, xua vâ kum kuăn pơlê’’.

Tơdrêng amê hnối tơku\m mơdêk tuăn hiâm pôu râng hnoăng cheăng, túa rêh ối, mâu hnoăng cheăng tơpui tơno mơjiâng kum u méa le\m tung tuăn hiâm kuăn pơlê.

Katarina Nga tơplôu [ă tơbleăng