Tiô tơdroăng tơkêa bro, péa kong pơlê kô tơmot chiâng môi kong pơlê nếo djâ inâi Gia Lai, ƀă tíu xiâm kal kí – pơkuâ tơnêi têa rah xo a pơlê kong kơdrâm Quy Nhơn. Kong pơlê Gia Lai nếo ai ƀăng deăng 21.576 km2, pơ’leăng mâ mơngế lối 3,58 rơtuh ngế ƀă 135 tíu pêi cheăng râ cheăm.

A hneăng hôp, rêm pâ môi tuăn pơkâ rah xo bro lế lĕm tro khu pêi cheăng tơnêi têa, xing xoăng kăn ƀô̆ vâ xúa châ tơƀrê klêi kơ’nâi tơmot chiâng môi, pro tíu mơnhông nếo. Pôa Hồ Quốc Dũng, Kăn pơkuâ hnê ngăn cheăng Đảng kong pơlê Bình Định tối rơdêi: Tơdroăng rah xo bro lế lĕm kăn ƀô̆ thế tơmiât inhên, tơniăn xêt khât, châ tơƀrê. Pôa Hồ Văn Niên, Kăn pơkuâ hnê ngăn cheăng Đảng kong pơlê Gia Lai tối ăm ‘nâi, tơdroăng tơkêa bro hiăng tơdah châ tơdroăng môi tuăn hên ing Tơnêi têa, khu râ kăn pơkuâ mâu râ troh mâu khu cheăng kal kí – rêh ối pơlê pơla. Hô̆i đong kuăn pơlê péa kong pơlê xuân hiăng châ pơkâ môi tuăn troăng hơlâ ƀă troăng hơlâ kố.