Xông tơpui a roh leh, pôa Đặng Đức Hiệp, Kăn pơkuâ hnê ngăn cheăng Đảng pơlê kong kơdrâm Đà Lạt mơnhên, tung roh tơplâ xâ Mih tŏng xo tơnêi têa, Đà Lạt – Tuyên Đức hiăng khên tơnôu tơplâ, veăng kum kal khât tung tơdroăng pro tơleăng lĕm peăng Hdroh Tơnêi têa, môi tuăn tơnêi têa.

Tung la ngiâ, Đảng ƀô̆, khu râ kăn pơkuâ ƀă kuăn pơlê kong kân pơtối mơnhông ivá tơrŭm môi tuăn, khŏm mơ-eăm mơjiâng Đà Lạt chiâng tíu kơdrâm kuăn pơlê rêh ối tê mơdró rơkê, tíu kơdrâm tơmeăm kơnía lâp plâi tơnêi. Roh kố, Vi ƀan kong pơlê Lâm Đồng xuân diâp Leh tơbâ tơdroăng ‘’Xua tơdroăng cheăng mơjiâng ƀă mơnhông kong pơlê Lâm Đồng’’ ăm 50 ngế krê cho kăn ƀô̆, kăn pơkuâ kong pơlê, pơlê kong kơdrâm ing mâu rơxông, kuăn pơlê ƀă khu tê mơdró tung kong pơlê veăng kum hên tung tơdroăng mơnhông dêi kong pơlê.