Tung vâ chê 1.900 rơpŏng kuăn pơlê dêi kong pơlê Kon Tum hiăng hluăn ing tơdroăng rêh ối tung hngêi ki tơ’nhiê, xi kơchoh ai lối 1.400 rơpŏng châ pro hngêi ki nếo ƀă lối 400 rơpŏng châ ‘mêng rơnêu ăm hngêi ki ton. Rơpŏng nâ Y Lan a pơlê Kon Jri Xút, cheăm Đăk Blà, pơlê kong kơdrâm Kon Tum cho rơpŏng châ xo toăng hngêi ki apoăng tung kơxô̆ 1.400 toăng sap ing Tơdroăng têa tah hngêi tơ’nhiê xi kơchoh Khu xiâm ngăn Kŏng an tơbleăng a kong pơlê Kon Tum.

Tung lâp kong pơlê Kon Tum ai 2.752 toăng hngêi ối pơtân, hngêi tơ’nhiê xi kơchoh kal châ pro nếo ƀă ‘mêng tơnêu hngêi ki ton gum rơpŏng kơtiê, rơpŏng ai tơdroăng rêh kâ ối pá puât châ tíu ối tơniăn. Pakĭng vâ chê 1.900 toăng hiăng châ pro nếo, ‘mêng hngêi ki ton, kong pơlê Kon Tum hiăng pơkâ troh tâi khế 6 la ngiâ, kô pro klêi vâ chê 870 toăng hngêi ki u ối.