Kố cho tơdroăng kal kí – cheăng kâ ki kal vâ mơđah tơbleăng tơmeăm ki ai hlâu, ki pơxúa, khôi túa lĕm tro, tơdroăng rôh nah ƀă rôh tơ’lêi mơ’no liăn cheăng dêi pơlê. Ki má môi dêi hôp tơno tơdroăng kal cho tơbleăng Pơkâ kĭ rơnêu nếo pơkâ pêi kong pơlê Dak Lak hneăng hơnăm 2021 – 2030, tơmiât pêi troh hơnăm 2050, po tíu mơnhông nếo ƀă mâu kơpong mơnhông, hâng lông cheăng kâ ƀă tíu xiâm tơtêk ki má môi.

Rôh kố, Vi ƀan kong pơlê kô tơbleăng lối 250 tơdroăng tơkêa bro kơbông krếo mơ’no liăn cheăng ƀă tâi tâng kơxô̆ liăn lối 1 rơtuh rơtal, diâp troăng hơlâ mơ’no liăn cheăng ăm hên tơdroăng tơkêa bro ƀă tơkŭm po mâu tơdroăng mơhnhôk mơ’no liăn cheăng. Vâ hbrâ ăm tơdroăng ki kal kố, mâu tơmeăm kơnía rôh ton nah, tíu ki lĕm mơnâ mâ ngăn tung kong pơlê xuân hbrâ gum mâu khu séa ngăn, lăm ngăn.