Klêi séa ngăn, a pơlê kong kơdrâm Ƀuôn Ma Thuột nôkố ai 35 toăng hngêi ối tung khu rak ngăn tơdjuôm, tung mê, cho hngêi ăm tơmối ối pơtê, hngêi ăm hok tro, sinh viên ối, hngêi ăm kăn ƀô̆ ối, tíu pêi cheăng ki ton ƀă hên ki ê chiâng vâ ối tơdrêng hlối, ai tíu ối ăm dâng 365 ngế kăn ƀô̆.

Tung kơxô̆ ki kố ai Hngêi tơmối Khu kăn pơkuâ hnê ngăn Đảng, hngêi ăm sinh viên ối dêi Đại học Tây Nguyên, Kao đăng Sư phạm ƀă Kao đăng Dak Lak. Laga, ƀă tâi tâng mâu tíu kal vâ ối dâng 1 rơpâu ngế kăn ƀô̆, kong pơlê xuân ối kal tíu ối ăm dâng 637 ngế. Vi ƀan hnê ngăn kong pơlê pơkâ mơ’no pro tơ’nôm Hngêi trung Kao đăng Dak Lak (kơxô̆ 30 Y Ngông) ƀă Khu pơkuâ ngăn lêng kong pơlê (kơxô̆ 08 Mai Hắc Đế), mơnhông tâi tâng kơbong ối tơ’nôm 379 ngế, xuân ối kal 258 tíu ối.

Tâi tâng kơxô̆ liăn ‘no ‘mêng, roê tơmeăm xúa ăm 37 tíu ối kố cho lối 85 rơtal liăn, liăn xo ing kong pơlê, liăn Tơnêi têa gum (tâng ai) ƀă kơxô̆ liăn ing pơlê pơla veăng tơlo.