Dak Lak tơ’nôm 3 Vi ƀan cheăng tung khu kăn Đảng kong pơlê
Thứ ba, 14:00, 27/05/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê hâi lơ 26/5, Khu kăn pơkuâ hnê ngăn Đảng kong pơlê Dak Lak tơkŭm po Hôp tơbleăng pơkâ dêi Khu kăn hnê ngăn ‘na tơdroăng cheăng kăn ƀô̆.
Ing mê, Khu kăn tíu xiâm hiăng hbrâ tơ’nôm 3 ngế kăn ƀô̆ veăng cheăng tung khu kăn pơkuâ hnê ngăn Đảng kong pơlê Dak Lak, hneăng hơnăm 2020- 2025, mê cho pôa Y Giăng Gry Niê Knơng, Kăn hnê ngăn Vi ƀan Măt trâ̆n tơnêi têa Việt Nam kong pơlê; Pôa Nguyễn Đình Viên, Ƀơrô Khu pơkuâ ngăn Đảng kong pơlê; jâ H’Yom Kđoh, kăn hnê ngăn pơlê krâm Buôn Hồ.
Tơdroăng ‘mâi rah mơngế pêi cheăng tung khu kăn pơkuâ hnê ngăn Đảng kong pơlê Dak Lak po tung pơla kong pơlê dế hbrâ vâ tơ’mot kong pơlê tiô troăng hơlâ tơdjuôm dêi Tíu xiâm.
Viết bình luận