Dak Lak hnê tối ‘na mơdât hvât xok chhá hmâng vâ ƀă hok tro, hnối ai rôh tơ’noăng tơmiât pêi rơkê
Thứ ba, 13:42, 23/12/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Hâi lơ 22/12, a Hngêi trung râ má péa Nguyễn Hữu Thọ, bêng Bình Kiến, Khu ngăn túa lĕm tro, Tơ’noăng ivá ƀă Ôm hyô kong pơlê Dak Lak tơkŭm po Rôh hôp hnê tối hbrâ mơdât, hvât xok chhá hmâng vâ ƀă vâi o hok tro tro, hnối ai ta tơdroăng Tơ’noăng tơmiât pêi rơkê ‘na vêh pro xok chhá.
A rôh hôp, mâu kăn ƀă hok tro hiăng châ ngăn video hnê tối, tơmâng chuyên đề ‘na hbrâ mơdât, xúa xok chhá; veăng mơđah tơbleăng ukố umê ‘na um, tơdroăng kal ‘na hnê tối hbrâ mơdât xúa xoh chhá. Tơdroăng kố cho vâ tơbleăng Pơkâ “Mơdêk rơdêi cheăng hnê tối ‘na hbrâ mơdât xúa xok chhá pơla hơnăm 2021 – 2025” dêi Ngế pro xiâm hnê ngăn Chin phuh, tơdrêng amê hlối pêi pro pơhlêh hnê mơhno dêi Vi ƀan hnê ngăn kong pơlê Dak Lak tung hnoăng mơdêk ki rơkê plĕng, teăng ăm tơdroăng ki rak vế kong prâi tơnêi tơníu, malối cho tung hngêi trung hriâm.
Rôh kố, Khu tơkŭm po xuân mơgêi ƀă diâp pri Rôh tơ’noăng tơmiât pêi rơkê ‘na vêh pro xoh chhá, ƀă 17 to pri ăm mâu khu pú hên, ngế krê ai tơmeăm pro rơkê, ai pơxúa kal.
Viết bình luận