Tiô tơdroăng xiâm kĭ tơkêa, rêm pâ kô tơrŭm pêi pro hên troăng pêi ki kal môi tiah mơjiâng tơmeăm kŏng ngê̆, xiâm rêi pơkuâ ƀă ‘noăng chư chêh kơvâ hnê hriâm; xúa tuăn ngôa rơkê AI, ‘noăng chư chêh kân (Big Data) tung pơkuâ, hnê hriâm; mơnhông hriâm kơxô̆, hnê hriâm tơdrêng tung um tiô troăng hyôh măng, troăng hnê hriâm rơkê.

Lối 350 kăn ƀô̆, thái cô ki xiâm a Dak Lak hiăng pơtâp ‘na AI ƀă mơnhên ‘noăng chư chêh; lối 1.500 thái cô, hok tro châ pơtâng tối ‘na khôi túa lĕm tơpui tơno ƀă pơhlêh xúa kŏng ngê̆ tung hngêi trung hriâm. Tiô pôa Lưu Tiến Quang, Phŏ Kăn pơkuâ Hnê hriâm ƀă Hnê mơjiâng tuăn ngôa rơkê kong pơlê Dak Lak, tơdroăng kĭ tơkêa tơrŭm cheăng vâ mơnhông ki rơdêi dêi rêm pâ, mơdêk pơhlêh xúa kŏng ngê̆ tâi tâng tung kơvâ hnê hriâm, gum pêi pro tiô rơxông nếo tung pơkuâ, mơjiâng tíu hnê hriâm xúa kŏng ngê̆, tơxâng pơkâ pơhlêh nếo hnê hriâm hneăng nôkố.