Dak Lak mơhno mâ Khu tơrŭm mơhnhôk Tê mơdró ƀă Mơ’no liăn cheăng
Thứ sáu, 10:10, 26/06/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng – Kơxê lơ 25/6, a bêng Tuy Hòa, Khu tơrŭm cheăng Mơhnhôk mơ’no liăn cheăng tê mơdró ƀă Mơ’no liăn cheăng kong pơlê Dak Lak păng ‘nâng mơhno mâ, mơnhên troăng mơnhông mơdêk ki kal tung bro tơdjêp pơlê pơla khu tê mơdró, khu mơ’no liăn cheăng ƀă khu tơrŭm tung tơnêi têa ƀă kong têa ê, gum mơdêk tơdroăng tê mơdró, mơ’no liăn cheăng ƀă mơnhông cheăng kâ krá tơniăn dêi kong pơlê.
Khu tơrŭm Mơhnhôk Tê mơdró ƀă Mơ’no liăn cheăng kong pơlê Dak Lak hneăng hơnăm 2026 – 2031 ai 232 ngế cho kăn pơkuâ mâu khu tê mơdró pêi cheăng tung hên kơvâ môi tiah uâ bro tơmeăm pêi lo ing chiâk deăng, loăng pơlái, ká xi xŏng; logistics; ôm hyô; mơdró; kŏng ngê̆ thŏng tin; kơmăi kơmok on tơhrik; mơjiâng pro kơmăi kơmok; teăn ếo pơtâk; uâ bro loăng; phon rơvât.
Klêi kơ’nâi leh mơhno mâ, Khu tơrŭm hiăng tơkŭm po Hneăng hôp rôh má I. Pôa Trần Quốc Hà, Kăn pơkuâ Kŏng ti pêi cheăng tiô rơnó môi khu Việt Thắng, châ loi tơngah rah xo pro Kăn hnê ngăn Khu tơrŭm cheăng.
Viết bình luận