A rôh rôh, Khu pơkuâ hnê ngăn Đảng Dak Lak pơkâ mâu mơ-éa ki kal dêi Khu xiâm pơkuâ tơdroăng kal kí, Khu pơkuâ hnê ngăn Đảng ƀă Khu ngăn Đảng kong pơlê, tơkŭm tung tơdroăng cheăng mơjiâng Đảng; hnoăng cheăng, troăng hơlâ pro chiâng tơdroăng rơdêi ăm mơnhông krá tơniăn a kơlo péa kơxô̆ tung hneăng la ngiâ; hnoăng cheăng klêi kơ’nâi cheăng dêi kơ koan cheăng kal kí ƀă kăn pơkuâ kong pơlê péa râ; mâu troăng hơlâ pêi ki mơnhông tung rah xo, xoăng pêi cheăng, xúa ƀă kơjo gum kăn ƀô̆, thăm mơnhông pơkuâ dêi Đảng ƀă cheăng hbrâ mơdât, ‘mâi mơnhông tơmeăm khoăng klêi kong mêi khía mơhot têa kân lân lu; pêi pro hnoăng cheăng tơpui leăng tung cheăng tơnêi têa.

Tơpui hnê mơhno a rôh hôp, jâ Cao Thị Hòa An, Phŏ pơkuâ ngăn Đảng kong pơlê pơkâ thế rêm râ Đảng pôi tá ngăn cheăng pơkâ mâu mơ-éa cho tơdroăng pơkâ pêi, pôi tá pơcháu pêi ôh tá chiâng klâi ăm khu ki tí tăng ‘nâi plĕng; mơnhên kố cho tơdroăng ki pơxiâm ai pơxúa kal vâ môi tuăn hlê plĕng, môi tuăn pêi pro tung tâi tâng khu pơkuâ tơdroăng kal kí.