Kơpong hngêi kơmăi on tơhrik kơtâu ƀă khía châ pro mê cho Hngêi kơmăi on tơhrik khía Buôn Hồ 1, Buôn Hồ 2 ƀă tâi tâng ki têi cho 40 MW, rơtế ƀă Hngêi kơmăi on tơhrik khía Čư̆ Mgar 2 ai ki têi cho 10 MW.

Tâi tâng ƀăng tơnêi pro cho dâng 10,5ha, ối tung mâu cheăm Ea Tul, Pơng Drang ƀă mâu bêng Buôn Hồ, Cư Bao. Tơdroăng tơkêa bro kố xua môi kŏng ti ối tung Grup On tơhrik Pơhlăng EDF cho ngế ki ‘no liăn pro. Tiô tối hdrối mâu hngêi kơmăi kố kô pro klêi ƀă mơ’no tơhrik a mơ’nui hơnăm 2028. A leh pơxiâm pro, Kăn pơkuâ Vi ƀan hnê ngăn kong pơlê Dak Lak, tối nhên, kong pơlê đi đo phiu ro ƀă tơdah mâu khu ‘no liăn pêi cheăng, malối cho tung kơvâ on tơhrik ‘mâi pro. Kố cho kơvâ cheăng ki Dak Lak ai hlâu kân ƀă 14.000MW hiăng châ Ngế pro xiâm hnê ngăn Chin phuh kĭ tung Túa pơkâ on tơhrik VIII.