Troh nôkố, lâp kong pơlê hiăng pêi kêi đeăng rơnêu 892 toăng hngêi tơ’nhê râ ó xua kong prâi pro ôh tá tơniăn. Tung kơxô̆ 606 toăng hngêi thế mơjiâng nếo, kong pơlê hiăng pêi kêi đeăng 362 toăng hngêi ƀă pơcháu 311 toăng hngêi. Mâu toăng hngêi ki ê hiăng mơjiâng pro lối 2/3 kơxô̆ tơdroăng cheăng. Krê 16 toăng hngêi tung kơpong xĕn ối nếo, kong pơlê tối hdrối pơcháu a hâi lơ 19/1.

Tiô Vi ƀan kong pơlê Dak Lak, 16 toăng hngêi kố tung kơpong xĕn ối nếo pro tơnêi trá hngêi, tơdrêng amê thế pro troăng pơtân gum ăm tơdroăng mơjiâng pro ƀă tơkôm ƀê tông khăng krá; Tơdrêng amê kong mêi hên tung pơla kố nah xuân tơdjâk troh tơdroăng mơjiâng pro. Nôkố kong pơlê Dak Lak dế mơhnhôk hên mơngế pêi cheăng, mơdêk chôu mơjiâng pro vâ rĕng kêi đeăng mâu toăng hngêi gum kuăn pơlê rĕng tơniăn tơdroăng rêh ối.