Lâp tung kong pơlê Dak Lak ai 787 tíu koi pơtê ôm hyô ƀă vâ chê 14.400 veăng pơtê. 51 khu mơdró ki mơhno troăng ƀă dâng 28.100 ngế pêi cheăng dế pêi cheăng tung khu mơdró ôm hyô. Tung 6 khế apoăng hơnăm, Dak Lak tơdah lối 5,3 rơtuh ngế tơmối, tâi tâng kơxô̆ liăn xo ing ôm hyô riên châ 9.600 rơtal liăn, tâk vâ chê 38% tâng pơchông ƀă hơnăm nah.

A rôh pêi cheăng, Khu séa ngăn Hô̆i đong kuăn pơlê kong pơlê Dak Lak pâ thế Khu xiâm ngăn túa lĕm tro, Tơ’noăng Ivá ƀă Ôm hyô pơ tối tơrŭm ƀă mâu kơvâ cheăng, cheăm bêng kong pơlê mơdêk séa ngăn tăng ngăn tơdroăng tê mơdró ôm hyô; mơdêk pơ’lêh kơxô̆; mơdêk ki tơbrê tung séa ngăn, pâ thế pêi klêi mâu pơkâ dêi luât ki tơdjâk troh vâ pro hlâu ăm tơdroăng ôm hyô kong pơlê mơnhông krá ton.