Kơxo hâi lơ  20/7, Khu mâu lêng pleăng hnoăng tơná hneăng hdrối kong pơlê Dak Lak tơrŭm ƀă mâu tíu pêi cheăng tơkŭm po trâm mâ mơđah hơdruê xuâng pơxá inâi Mâu khế hơnam ôh tá kâi piu xua Tơdroăng pâ dêi rơpó pơla mâu lêng. Tơdroăng mê vâ koh tơbâ hâi tơbâ mâu lêng pleăng hnoăng cheăng lơ 15/7, tơbâ Hâi mố đô̆i tro rong hlâ ai hnoăng lơ 27/7.

A tơdroăng mâu kăn rơtế tơbâ tơdroăng 73 hơnăm dêi mâu lêng pleăng hnoăng tơplâ, ngăn mâu ƀai hơdruê xuâng ki ro ô eăng tuăn chân, khên tơnôu tơplâ , tơdroăng  loi khât châ ƀlêi trâng ƀă mâu tơdroăng mâu lêng ‘nâi hơ-ui pâ dêi rơpó. Teăng mâ khu lêng pleăng hnoăng tơná hneăng hdrối dêi kong pơlê Dak Lak xuân tơpui ‘na mâu tơdroăng tơbâ ton nah tung rôh tơplâ, tối tơdroăng hơ-ui dêi pú, môi tuăn dêi rơpó pơla mâu lêng mố đô̆i ƀă kuăn pơlê  tung mơ-eăm pêi hnoăng cheăng ƀă mâu tơdroăng hiăng tơplâ hlâ rêh.

Rôh kố, khu tơkŭm po hiăng diâp 15 hlá mơ-éa kơdĭng liăn (rêm kơxop hlá mơ-éa kơnâ 5 rơtuh liăn) ƀă 32 kơxu tơmeăm ăm mâu lêng mô đô̆i hneăng hdrối nah ki ối kơtiê xơpá.