Tơbleăng pơtroh Khu kăn séa ngăn tối nhên; Nôkố, Gia Lai châ pơkâ 88 tơdroăng tơkêa pro on tơhrik ƀă tâi tâng ivá mơ’no lối 4 rơtuh  347 rơpâu MW mê cho: 60 tơdroăng tơkêa bro on tơhrik, 9 tơdroăng tơkêa bro on tơhrik mâ hâi, 17 tơdroăng tơkêa bro on tơhrik kơtâu ƀă khía, pakĭng mê, ối ai lối 3.200 kơmăi on tơhrik kơtâu ƀă eăng trâ mâ hâi.

Kong pơlê tối ăm Ngế pro xiâm hnê ngăn Chin phuh, Khu xiâm ngăn ‘na mơdró kâ ƀă mâu khu xiâm, kơvâ cheăng ai tơdjâk troh séa ngăn, chêh ‘mot tung Pơkâ mơnhông on tơhrik dêi tơnêi têa pơla hơnăm 2021-2023 ƀă 135 mâu tơdroăng tơkêa bro pơtối pro on tơhrik, ƀă tâi tâng ivá dêi on tơhrik mơ’no 15.566 MW vâ mơhnhôk tăng liăn vâ mơnhông mơdêk ki tơƀrê hên.

Kong pơlê Gia Lai xuân pâ Kuô̆k hô̆i hnê mơhno mơjiâng ƀă pơkâ Luât ‘na on tơhrik ki ‘mâi bro; pâ thế Chin phuh rơtế ƀă mâu khu xiâm, kơvâ cheăng rĕng pơkâ ‘na rak ngăn, pêi pro  tơdrêng mâu tơdroăng tơkêa bro on tơhrik dêi tơdroăng pơkâ mơdêk pro on tơhrik vâ tơbleăng pêi, veăng rak tơniăn kal kí, tơniăn pơlê pơla tung kong pơlê