Tiô tơdroăng nếo pơkâ, Vi ƀan kuăn pơlê kong pơlê Gia Lai pơkâ thế mâu cheăm, bêng athế ngăn a tơdroăng pơkâ ai chêh pơcháu vâ thâ séa ngăn mâu pơkâ ki tơdjâk troh, tối tŭm tơdroăng ki tâk ƀă ivá mơhnhôk tăng xiâm. Tơdroăng pơkâ mơnhông cheăng kâ - pơlê pơla dêi tơrêm cheăm bêng ôh tá chiâng iâ tâ kơlo pơkâ ki Vi ƀan kuăn pơlê dêi kong pơlê pơcháu. Malối, tơdroăng tơbleăng ôh tá tot a dâng kơxô̆ tơdjuôm ăm plâ hơnăm.

Vi ƀan kuăn pơlê dêi kong pơlê Gia Lai pơkâ thế xoăng nhên xiâm pêi pro, séa ngăn ƀă tăng ngăn vâ mơdêk hnoăng cheăng pêi tung rak ngăn, rơtế ƀă kuăn pơlê, khu mơdró pêi pro, tiô tơdroăng pơkâ “6 nhên’’: Nhên mơngế - nhên tơdroăng cheăng - nhên hâi khế pêi - nhên hnoăng cheăng - nhên tơdroăng pêi hiăng tơƀrê rơhéa - nhên hnoăng pơkuâ ngăn.