Pơkâ tơdjuôm cho mâu kơvâ, pơlê cheăm bêng xuân thế mơdêk 8,8% tơngi klêng. Vi ƀan kuăn pơlê kong pơlê Gia Lai mơnhên tơkŭm mơnhông khoa hok - kơmăi kơmok, AI chip bán dẫn, on tơhrik ‘mâi pro, pêi chiâk xúa kơmăi dâi lĕm ƀă cheăng kâ kơxô̆.

Pơkâ tâk riân tơdjuôm dêi kong pơlê plâ hơnăm sap ing 8,8% tơngi klêng troh 9,4%, ƀă troăng hơlâ rak ngăn pái khế apoăng hơnă châ 9,3%–10%; sap khế pŭn troh khế tơdrốu ing 8,0%–8,7%; sap khế tơpah troh khế tơchên ƀă ing khế môi chât troh khế môi chât péa ing 8,9%–9,5%. Ing mê, Vi ƀan kuăn pơlê kong pơlê Gia Lai pơcháu ăm mâu kơvâ cheăng, cheăm bêng tung kong pơlê tơniăn pêi tâk ôh pá iâ luâ kơlo pơkâ dêi kong pơlê.

A rôh Hôp, pôa Phạm Anh Tuấn, Kăn hnê ngăn Vi ƀan kuăn pơlê kong pơlê Gia Lai hnê tối ăm Kăn xiâm hnê ngăn Vi ƀan kuăn pơlê mâu cheăm bêng chiu pôu râng tâi tâng tơdroăng, vâ tơniăn  ôh tá lôi môi tơdroăng pơkâ ki lâi hrá xua tơvâ tơvân ‘na tơnêi tíu lơ tung pro hlá mơ-éa.