A hneăng hôp, Hô̆i đong hnê ngăn kong pơlê Gia Lai hneăng 12 (pơla hơnăm 2021 – 2026) ai hlá mơ-éa pơtroh tơbleăng jâ Đinh Ly An – Kăn phŏ ngăn Luât Hô̆i đong hnê ngăn kong pơlê hneăng 12 vâ khu kăn Hô̆i đong hnê ngăn kong pơlê pôk pro Ngế xiâm ngăn hdroâng kuăn ngo hneăng 12 (pơla hơnăm 2021 – 2026).

Klêi mê, jâ Đinh Ly An châ 62/62 ngế kăn Hô̆i đong hnê ngăn pôk, châ kơxô̆ phĭu pôk dêi tâi tâng mâu kăn. Xuân a hneăng hôp, Hô̆i đong hnê ngăn kong pơlê hiăng thế pơtê Ngế cheăng tung Vi ƀan hnê ngăn kong pơlê hneăng 12 (pơla hơnăm 2021 – 2026) ƀă pôa Nguyễn Văn Lộc – kăn pơkuâ ƀơrô cheăng Vi ƀan hnê ngăn kong pơlê ƀă pôa Nguyễn Văn Hùng, Kăn ngăn tơbleăng tơdroăng kal tiô troăng hyôh um tơvi, rơ’jíu kong pơlê Gia Lai hneăng hdrối. Hdrối mê, 2 ngế cho pôa Nguyễn Văn Lộc ƀă pôa Nguyễn Ngọc Hùng hiăng ai hlá mơ-éa pơkâ hiăng troh hơnăm pơtê cheăng tiô pơkâ.