Tung mâu hơnăm hdrối, kuăn pơlê pêi chiâk tung kong pơlê kơhnâ tơ’noăng pêi cheăng, xúa khoa hok kih thuât, tơrŭm pêi cheăng tiô túa krá tơniăn; tơdroăng mơhnhôk “kuăn pơlê tơ’noăng pêi chiâk, tê mơdró rơkê” mơnhông trâu rơdâ, hlo hên túa pêi cheăng tơƀrê, khu pêi cheăng tơrŭm, khu mơdró xua kuăn pơlê pro xiâm.

Hneăng ki nếo, Khu ngăn pêi chiâk ‘nâi nhên tơdroăng pêi pro “Tơrŭm - môi tuăn - Hơ’lêh nếo- Hriăn plĕng ki nếo - Mơnhông tơbrê”, tơkŭm mơjiâng tôh tơrŭm cheăng krá rơdêi, mơdêk ki tơƀrê tung kăn ƀô̆, kơjo kum mơnhông pêi cheăng krúa, hưh cơ, hơ’lêh pêi pêt, xúa kơmăi ki dâi lĕm; mơ-eăm mơjiâng nếo ki iâ 102 tôh pêi cheăng tơrŭm, 102 khu pêi cheăng tơrŭm ƀă hnê pơtâp ăm dâng 250 rơpâu ngế, mơjiâng khu mơngế pêi cheăng rơkê, ai tiô pơkâ mơnhông tơƀrê.