Rôh hôp má 4 dêi Vi ƀan pơkuâ cheăng Kuô̆k hô̆i  kô po tung 6 hâi, klâ pro 2 rôh. Rôh má 1 po tung 1 hâi tơdế, sap hâi  kố lơ 8/7 troh lơ 9/7/2026; rôh má 2 po tung pơl 4 hâi tơdế, sap hâi  lơ 14 troh lơ 17/7/2026 ƀă hai lơ 28/7/2026.

A rôh hôp mê, Vi ƀan pơkuâ cheăng Kuô̆k hô̆i kô séa ngăn, ăm hnê tối ‘na: Tơdroăng tơkêa luât tơnêi; tơdroăng tơkêa ai chêh tung hlá mơ-éa dêi Kuô̆k hô̆i ‘na luât tơnêi, luât pơkâ krê vâ tơleăng mâu ki pro xôi ‘na luât tơdjâk troh cheăng kâ dêi tơnêi têa, cheăng kâ krê dêi kuăn pơlê ƀă xúa khoa hok, kŏng ngê̆, hơ’lêh nếo, pơ’lêh kơxô̆; pêi cheăng tung măng; tơdroăng tơkêa Luât ‘mâi hơ’lêh, tơ’nôm mâu tơdroăng Luât hngêi rak liăn Tơnêi têa Việt Nam, Luât hbrâ mơdât, xúa liăn ki mơdró kâ ôh tá tơdrăng ƀă Luât mâu khu tơrŭm ki ăm mung liăn, ƀă hên tơdroăng tơkêa ki ê, Hlá mơ-éa chêh troăng hơlâ luât  kal ki ê.

‘Na Hlá mơ-éa pơkâ dêi khu pơkuâ mâu tơdroăng kal, Vi ƀan Pơkuâ cheăng Kuô̆k hô̆i kô ăm hnê tối ‘na tơdroăng ‘no liăn pêi tơdroăng tơkêa bro mơjiâng pro troăng kâ ví pakĭng 5 - Kơpong pơlê xiâm Hà Nội; tơdroăng ‘mâi hơ’lêh troăng hơlâ ‘no liăn pêi tơdroăng tơkêa bro mơjiâng pro troăng rơxế lơ treng Lào Cai- Hà Nội - Hải Phòng. Tơdroăng tơkêa mơjiâng pơlê kong kân Quảng Ninh cho dêi râ Xiâm tơnêi têa.