Tơdroăng hriâm kố cho tơkŭm tung mâu tơdroăng môi tiah: troăng hơlâ tŏng gum hdroâng kuăn ngo; ki xiâm cho túa lĕm tro, rêh ối pơlê pơla, tơdroăng loi, tĭng tiô khôp, khôi túa tơlá; khu pơkuâ tơdroăng kal kí a tơring cheăm; rak vế tơdroăng cheăng lêng gâk kring; hnoăng cheăng dêi khu lêng tung pơkâ tơleăng mâu tơdroăng ôh tá tơniăn kơpong hdroâng kuăn ngo ƀă peăng kong ngo.

Tung pơla hriâm, mâu ngế ki hriâm kô hriâm ‘na túa cheăng mơhnhôk ƀă tơpui tơno túa “tơrŭm rơpŏng” a Ƀinh đoàn 15, lăm ngăn tơdroăng cheăng Đô̆i pêi cheăng hnê tối túa lĕm tro a cheăm pơlê cho a cheăm Ia Pnôn, tơring Đức Cơ, kong pơlê Gia Lai, tơpui tơno túa ki rơkê plĕng tơbleăng hnoăng cheăng hdroâng kuăn ngo ƀă Tơdroăng pơkâ tơnêi têa mơnhông cheăng kâ rêh ối pơlê pơla kơpong hdroâng kuăn ngo, peăng kong ngo.