Xông tơpui a kố, jâ Võ Thị Ánh Xuân, Phŏ Kăn xiâm hnê ngăn tơnêi têa tối nhên, tung mâu hơnăm hiăng hluâ, ki rơhêng vâ tối cho hơnăm 2025, ing pơkuâ dêi Đảng, tơnêi têa hiăng pêi pro hnoăng cheăng ki kal djâ tơdroăng ki roh ton nah, mơjiâng xiâm kối vâ djâ tơnêi têa mot tung chal nếo - chal ki mơnhông mơdêk, kro mơdrŏng, hơniâp lĕm. Tơdrêng amê, ai trâm ƀă pơreăng, kong prâi pro ôh tá tơniăn, têa kân lân lu đi đo a hên kong pơlê, kơpong tung lâp tơnêi têa, hiăng tơdjâk tơdrêng troh tơdroăng rêh ối dêi hên kuăn pơlê, ki má lối cho mâu ngế ki ôh tá hro, tung mê ai vâi hdrêng.

Tung pơla mê, Đảng, Tơnêi têa hiăng tơbleăng hên troăng pơkâ pêi, troăng hơlâ rơtế pơlê pơla ‘măn kơxô̆ liăn tŏng gum teăm tơdrêng ăm kuăn pơlê, ki rơhêng vâ tối cho ƀă vâi hdrêng, ôh tá lôi kơbố lối pá tung tơdroăng rêh ối. A tơdroăng pêi pro ‘’Rơnó hơngui ăm o’’ roh má 19, Khu pơkuâ kơxô̆ liăn kơdĭng gum vâi hdrêng Việt Nam tơdah lối 116 rơtal liăn dêi vâ chê 60 tíu cheăng, ngế krê ăm vâi hdrêng ai tơdroăng rêh ối pá puât tung hơnăm 2026.