Hên ngế tối a rôh hôp tiah kố, Tơdroăng pơ’lêh pêi cheăng krúa lĕm ƀă pêi pro tơdrêng tơdroăng pơkâ ki pơxá ESG nôkố cho pơkâ ki kal, pơklât thế pêi vâ khu mơdró pơtối rak vế tơmeăm, po rơdâ kơchơ mơdró ƀă mơdêk ivá  tơbriât cheăng. Vâ châ pêi pro tơdroăng mê, Khu mơdró kal thế kơdroh mơ’no tah ki ‘mêi, rak ngăn tơdrăng lĕm, xúa tơbrê tơmeăm khoăng, ‘mâi hơ‘lêh tơdroăng pêi cheăng ƀă tơdrăng ‘noăng chư chêh ‘măn tung kơmăi.

Tơbleăng a rôh hôp tơpui tơno, Kăn hnê ngăn kong pơlê mơnhên kô mơdêk pơ’lêh kơxô̆ pêi cheăng tung măng, pơ’lêh pêi cheăng lĕm tro, mơnhông kơmăi uâ pơliê, on tơhrik ‘mâi pro ƀă pêi chiâk deăng xua kơmăi ki dâi lĕm. Kăn hnê ngăn Vi ƀan kuăn pơlê kong pơlê Gia Lai tơhrâ mâu kăn kô pơ’lêh ing tuăn rak ngăn pơxúa, rơtế ƀă khu mơdró tơbleăng mâu tơdroăng tơkêa pro.