Klêi kơ’nâi lối 1 măng tĭng pêi cheăng to khu râ kăn pơkuâ 2 râ, cheăm Ia Dom hiăng pro 120 khu hô sơ. Laga cheăm xuân dế trâm pá puât xua tíu pêi cheăng tá hâi tơniăn; hbrâ tơmeăm ƀă ki chiâng rơkê kŏng ngê̆ thông tin dêi kăn ƀô̆ ối kơdroh... Pôa Phạm Anh Tuấn – Kăn hnê ngăn Vi ƀan kong pơlê Gia Lai, tối ăm ‘nâi, tung la ngiâ, khu râ kăn pơkuâ râ cheăm kô châ xing xoăng hnoăng ó rơdêi, châ pơkâ hên tơdroăng xiâm vâ mơnhông cheăng kâ – rêh ối pơlê pơla. Khu râ kăn pơkuâ cheăm kal mơnhên troăng prôk, hnê mơhno kuăn pơlê mơnhông pêi chiâk deăng ki rơdêi, tơxâng pơkâ kơchơ mơdró, hnê mơhno kuăn pơlê mơnhông thôn pơlê ki rơdêi, tơxâng pơkâ kơchơ mơdró; kơbông krếo khu tê mơdró mơ’no liăn cheăng uâ pro tơmeăm, tŏng gum pêt mơjiâng tơmeăm.

Kong pơlê kô pơcháu túa pơkâ mơnhông ki nhên ăm cheăm, pơcháu KPI ăm tá kăn pơkuâ hnê ngăn cheăng Đảng ƀă Kăn hnê ngăn Vi ƀan cheăm, tâng ôh tá kêi đeăng kô thế pôu râng hnoăng cheăng.