Pôa Đỗ Tiến Sỹ, Ngế cheăng tung tíu xiâm Đảng, Ngế pơkuâ xiâm Rơ’jíu Việt Nam rơtế ƀă mâu kăn hiăng ai rôh pêi cheăng ƀă khu kăn Đảng kong pơlê Dak Lak ‘na tơdroăng hnê tối. A rôh pêi cheăng, pôa Nguyễn Đình Trung, Ngế cheăng tung tíu xiâm Đảng, Kăn pơkuâ hnê ngăn Đảng kong pơlê Dak Lak khĕn kơdeăn tơdroăng rơtế môi tuăn dêi Rơ’jíu xiâm Việt Nam tung tơdroăng hnê tối tơbleăng mâu tơdroăng ‘na kong pơlê tung mâu hơnăm hdrối mê hía nah.

Hnoăng cheăng VOV ai hên tơdroăng tơpui mơ’no  ƀă nâl mâu hdroâng kuăn ngo a kong pơlê Dak Lak ƀă kơpong Tây Nguyên, cho tơdroăng ki kal vâ mơdêk pơxúa tơƀrê mâu tơbleăng tối tơbleăng ăm kuăn pơlê a mâu thôn pơlê.

Pôa Đỗ Tiến Sỹ tối, Rơ’jíu xiâm Việt Nam hiăng ƀă kô pơtối rơtế ƀă kong pơlê Dak Lak tung mơnhông mâu nâl tối tơbleăng ki ê dêi Rơ’jíu, ƀă hnoăng cheăng pêi khât, troăng rơhlâ hnê tối nhên hleăng, tơbleăng troh lâp lu ƀă hên ngế vâ hmâng.