Vâ pê klêi tơdroăng cheăng pơcháu ki nếo, Kăn hnê ngăn tơnêi têa pơkâ thế péa ngế kăn rah xo péa ngế ki rak tro luât pơkâ nếo  hnoăng cheăng dêi Đảng, pêi tro mâu pơkâ ƀă Luât xiâm ƀă luât pêi pro; pro tro châ ƀlêi pơkâ “Mơjiâng luât ki hmâ, rơkê tiô túa nếo, tơdâng, rơkê plĕng, tơdrăng, pơxúa ăm Tơnêi têa ăm kuăn pơlê”.

Teăng mâ mâu kăn tơbleăng tối nhên, Phŏ kăn tơleăng xiâm Kuăn pơlê Lê Tiến tối, kố cho tơdroăng pơ-eăng ki kân, xuân môi tiah hnoăng cheăng ki kân hngăm hngo dêi Đảng, Tơnêi têa ƀă kuăn pơlê pơcháu; malối tung pơla kơvâ Hngêi tơleăng dế tơbleăng pêi hên mâu tơdroăng pơkâ, hnê mơhno, tơrŭm kí, hbrâ vâ pơcháu chêh, hnê mơhno, tối mơgêi dêi Đảng ƀă tơdroăng kal vâ hên mơjiâng  tơnêi têa tro tiô luât xah hô̆i chuh ngiah dêi kuăn pơlê, xua kuăn pơlê ƀă ing kuăn pơlê; ‘na hơ’lêh nếo, mơjiâng pro klêi ‘na luât; mơdêk tơdroăng ‘mâi luât, mơjiâng ‘na luât rơkê, túa nếo, tơdâng, tơdrăng, pơxúa ăm Tơnêi têa, pơxúa ăm kuăn pơlê.