Kơxê hâi lơ 19/7, Khu kăn séa ngăn dêi Kuô̆k hô̆i xua Thượng thướng Trần Quang Phương, Kăn phŏ hnê ngăn Kuô̆k hô̆i pro xiâm pơkuâ djâ khu kăn hiăng pêi cheăng ƀă mâu kăn kong pơlê Dak Lak ‘na tơdroăng hiăng klêi tơbleăng pêi pro tiô Pơkâ dêi Kuô̆k hô̆i, mê cho: Tơdroăng pơkâ dêi tơnêi têa mơjiâng thôn pơlê nếo; tơdroăng xăm kơtiê krá tơniăn ton pơla hơnăm 2021 - 2025 ƀă tơdroăng mơnhông cheăng kâ-rêh ối kơpong hdroâng kuăn ngo ƀă kong ngo pơla hơnăm 2021-2030.

Tối tơbleăng ƀă khu kăn lăm pêi cheăng, kơ’nâi vâ chê 3 hơnăm tơbleăng pêi 3 tơdroăng pơkâ dêi tơnêi têa, ngiâ méa thôn pơlê Dak Lak hlo hiăng tơƀrê. Tơdroăng rêh ối dêi kuăn pơlê hdroâng kuăn ngo chôa lâng ‘mâi hơ’lêh, túa lĕm tro  - rêh ối pơlê pơla rế tơƀrê, kơxô̆ rơpŏng kơtiê rế kơdroh. Tơdroăng  rêh ối dêi kuăn pơlê pơtối châ tơmâng ‘na kơxô̆ ƀă ki tơ ƀrê.  Laga, tung pơla pêi 3 tơdroăng pơkâ dêi tơnêi têa a Dak Lak xuân trâm hên xơpá, tơvâ tơvân. Mâu pơkâ ki pá châ tiô pơkâ. Tơƀrê ‘na săm kơtiê hâi krá tơniăn, mơni kố pơtối kơtiê nếo.