Kơxo lơ 9/7, a Hà Nội, Khu hnê mơhno pơhlêh xúa kong ngê̆ tung mâu kơ koan Đảng tơkŭm po rôh hôp mơnhên tối klêi kơ’nâi 6 khế apoăng hơnăm ƀă tơbleăng tơdroăng cheăng tung la ngiâ. Tơpui hnê mơhno, pôa Trần Cẩm Tú, Kăn pơkuâ ngăn Đảng pơkâ thế rĕng ‘mâi rơnêu tơdroăng ki tro kreăng tung mâu hâi ki kal drêng xúa ứng dụng “Sổ tây đảng viên điê̆n tưh”. Tối tơbleăng a rôh hôp ăm hlo, hnoăng cheăng pơhlêh xúa kong ngê̆ tung mâu kơ koan Đảng ai hên tơdroăng ki pơhlêh tơƀrê ‘na chêh pro klêi troăng hơlâ, mơjiâng ivá cheăng ƀă tơbleăng pêi mâu tơdroăng ki xúa tơdjuôm.

Laga, tơdroăng ki mâu kế tơmeăm ối hrá, tơƀrê tung xúa tá hâi tơdâng tơ’mô. Kăn pơkuâ ngăn Đảng pơcháu ăm Ƀơrô cheăng Đảng tơnêi têa rĕng pơkâ túa pêi cheăng pơhlêh xúa kong ngê̆ râ kong pơlê, râ cheăm; tơdrêng amê hlối tơrŭm ƀă mâu tíu pêi cheăng, khu ki xo pro tơmeăm vâ ‘mâi khât tơdroăng ki tơvâ tơvâ ‘na kih thuât, pro tơ’lêi hlâu tung pêi cheăng pơkuâ tơdroăng cheăng .