Pêi pro hnê mơhno dêi Ngế pro xiâm hnê ngăn Chin phuh, Khu pơkuâ ngăn lêng kong pơlê hiăng tí tăng ‘nâi plĕng ăm Vi ƀan hnê ngăn kong pơlê ƀă Khu pơkuâ hbrâ mơdât cheăng lêng kong pơlê tơbleăng pêi cheăng pêi thâ, mơnhên gum kuăn pơlê rĕng ai hngêi ối lĕm krá, tơniăn cho hnoăng cheăng ki kal, kơjo gum xiâm. Khu lêng ki xiâm mê cho mố đô̆i ai mâ đi đo ƀă khu lêng kuăn pơlê rak vế hiăng veăng pêi tơdrêng ‘mêng pro hngêi ối ăm mâu rơpŏng kuăn pơlê ki ai hngêi tơ’nhiê têa mơhiu, xua khía mơhot têa kân lân lu.

Tung tâi tâng kơxô̆ 35 toăng hngêi châ tơbleăng pro, ai 6 toăng hngêi châ pro nếo ƀă 29 toăng hngêi ‘mêng, tâi tâng pơrá hiăng klêi ƀă hiăng pơcháu ăm kuăn pơlê hdrối hâi pơkâ. Tâi tâng kơxô̆ liăn pro lối 2,9 rơtal, mơhnhôk tơlo ing liăn ngân kong pơlê, mâu kơxô̆ liăn tŏng gum vâ chê 2.500 hâi pro dêi mâu kăn ƀô̆, mố đô̆i.