Jâ Trương Thị Ngọc Ánh, Kăn xiâm phŏ hnê ngăn Vi ƀan xiâm Măt trâ̆n Tơnêi têa Việt Nam veăng ƀă xông tơpui a Hâi leh. Cho cheăm pêi cheăng ton xŏn, ki xiâm ‘na gâk kring dêi kong pơlê Kon Tum, tơring Đăk Hà ai tâi tâng ƀăng deăng ki ai xêh lối 84.500 ha ƀă pơ’leăng mâ mơngế lối 87.000 ngế ƀă ai 18 hdroâng kuăn ngo nhŏng o rêh ối.

Hlê plĕng nhên ki kal dêi tơdroăng mơjiâng tơdroăng tâi tâng kuăn pơlê gak kring tơnêi têa cho veăng kum tơniăn gâk kring, kum ăm tơdroăng mơnhông cheăng kâ, khôi túa lĕm tro, rêh ối pơlê pơla dêi tơring, tung pơla kố nah tơring Đăk Hà hiăng tơkŭm po 188 roh pơtâng tối ‘na tơdroăng tâi tâng kuăn pơlê gak kring tơnêi têa ăm lối 37.400 roh ngế.

Xông tơpui a hêi leh jâ Trương Thị Ngọc Ánh, Kăn xiâm phŏ hnê ngăn Vi ƀan xiâm Măt trâ̆n Tơnêi têa Việt Nam pơkâ thế khu râ kăn pơkuâ, khu cheăng, măt trâ̆n, mâu râ tơring Đăk Hà, kong pơlê Kon Tum pơtối thăm pêi rơdêi tâ mê nếo Tơdroăng tâi tâng kuăn pơlê gâk kring Tơnêi têa. Vâ tơdroăng tâi tâng kuăn pơlê gak kring Tơnêi têa rế hía rế mot trâu hơngế, dâi lĕm ƀă kal khât păng ‘nâng.