Kong pơlê Dak Lak (nếo)
Thứ hai, 10:05, 30/06/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Tơdrêng ƀă lâp tơnêi têa, mâu kơpong Tây Nguyên ƀă kơpong kĭ têa kơxĭ Nam Trung bộ xuân tơbleăng mâu pơkâ ‘na tơdroăng mơngế ki cheăng, khu kăn râ kong pơlê ƀă râ cheăm ki nếo. Mâu pơkâ kô xêt ƀă pêi cheăng hlối sap kơxo ah hâi lơ 1/7/2025. Tơdroăng tối nhên ‘na tíu pêi cheăng tơnêi têa dêi mâu kong pơlê ƀă mâu kăn Vi ƀan kuăn pơlê mâu kong pơlê tiah kơ’nâi kố.
Kong pơlê Dak Lak (tơmot chiâng môi ing kong pơlê Phú Yên ƀă kong pơlê Dak Lak) ai ƀăng tơnêi lối 18.000km2, pơ’leăng mâ mơngế 3,3 rơtuh ngế.
Klêi kơ’nâi rah xo bro lế lĕm tro, kong pơlê Dak Lak ai 102 tíu pêi cheăng tơnêi têa râ cheăm, ai 88 cheăm ƀă 14 bêng. Tung mê ai 6 cheăm ôh tá tơmot chiâng môi cho Ea H’Leo, Ea Trang, Ia Lốp, Ia Rvê, Krông Nô, Vụ Bổn.
Ngế pro xiâm hnê ngăn Chin phuh rah xo pôa Tạ Anh Tuấn (cho kăn hnê ngăn Vi ƀan kong pơlê Phú Yên ton) to pro Kăn hnê ngăn Vi-ƀan kong pơlê Dak Lak (nếo) hneăng hơnăm 2021 – 2026.
Mâu phŏ Hnê ngăn Vi ƀan kong pơlê Dak Lak (nếo) ai 4 ngế: Jâ Hồ Thị Nguyên Thảo, pôa Nguyễn Thiên Văn, pôa Trương Công Thái, pôa Đào Mỹ.
Viết bình luận