Kong pơlê Lâm Đồng (nếo)
Thứ hai, 10:09, 30/06/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Tơdrêng ƀă lâp tơnêi têa, mâu kơpong Tây Nguyên ƀă kơpong kĭ têa kơxĭ Nam Trung bộ xuân tơbleăng mâu pơkâ ‘na tơdroăng mơngế ki cheăng, khu kăn râ kong pơlê ƀă râ cheăm ki nếo. Mâu pơkâ kô xêt ƀă pêi cheăng hlối sap kơxo ah hâi lơ 1/7/2025. Tơdroăng tối nhên ‘na tíu pêi cheăng tơnêi têa dêi mâu kong pơlê ƀă mâu kăn Vi ƀan kuăn pơlê mâu kong pơlê tiah kơ’nâi kố.
Kong pơlê Lâm Đồng (tơmot chiâng môi ing mâu kong pơlê Dak Nông, Lâm Đồng, Bình Thuận) tâi tâng ƀăng tơnêi lối 24.200km2, pơ’leăng mâ mơngế vâ chê 3,9 rơtuh ngế.
Klêi kơ’nâi tơmot chiâng môi, kong pơlê Lâm Đồng ai 124 tíu pêi cheăng râ cheăm, ai 103 cheăm, 20 bêng, 1 kơpong đăk khu. Tung mê ai 4 cheăm ôh tá tơmot chiâng môi cho mâu cheăm Quảng Hòa, Quảng Sơn, Quảng Trực, Ninh Gia.
Ngế pro xiâm hnê ngăn Chin phuh pơkâ rah xo pôa Hồ Văn Mười (kăn hnê ngăn Vi ƀan kong pơlê Dak Nông ton) to pro Kăn hnê ngăn Vi ƀan kong pơlê Lâm Đồng (nếo) hneăng hơnăm 2021 – 2026.
Vi ƀan kong pơlê Lâm Đồng (nếo) ai 6 phŏ hnê ngăn, mê cho: pôa Nguyễn Hồng Hải, pôa Võ Ngọc Hiệp, pôa Lê Trọng Yên, pôa Nguyễn Minh, pôa Nguyễn Ngọc Phúc, pôa Đinh Văn Tuấn.
Viết bình luận