Rôh má 2 kố, Kuân khu 5 diâp 435 toăng hngêi nếo, klêi kơ’nâi hiăng diâp 175 toăng a poăng khế 1, păng ‘nâng pro klêi “Cheăng pêi thâ Quang Trung”, tơdroăng pêi rơkê khât kố koh hâk Hneăng hôp khu kăn lâp tơnêi têa rôh má XIV dêi Đảng. Pro klêi tâi tâng 610 toăng hngêi nếo ƀă 314 toăng ‘mêng hngêi ki ton, Kuân khu 5 hiăng pơtê “Cheăng pêi thâ Quang Trung” tung tơdroăng ro dêi kuăn pơlê kơpong têa kân lân lu, ‘măn chôu tơdroăng ki lĕm ‘na um ‘Mố đô̆i Pôa Hồ”.

Mâu kăn ƀô̆, mố đô̆i hiăng ai mâ rôh ki xơpá khât, rơtế ƀă kuăn pơlê tơkâ luâ kong mê khía mơhot têa kân lân lu, tơniăn tơdroăng rêh kâ ối. Ƀă tuăn mơno “pêi hâi ôh tá bê, athế tá kong măng”, “kong mê ôh tá pơtê, cheăng pro xuân ôh tá pơtê”, kăn ƀô̆, mố đô̆i Kuân khu 5 ngăn cheăng gum kuăn pơlê pro hngêi klêi kơ’nâi kong mê têa kân lân lu cho tơdroăng pêi sap ing plâi nuih.

Mâu toăng hngêi ki hiăng pro klêi nôkố ôh ti xê to tơmeăm mơjiâng pro, mê ối cho tơdroăng ro, cho hiâm mơno hơ-ui tơrŭm pơla lêng-kuăn pơlê châ tơbêng tung mâu rôh ki xơpá.