Tiô hlá mơ-éa pơchuât tơbleăng, kuăn pơlê tung lâp tơnêi têa pơtối tối tơdroăng kal vâ ‘nâi plĕng, loi tung tơdroăng pơkuâ dêi Đảng tung mơjiâng Đảng, khu cheăng kal kí ƀă hnoăng cheăng kăn ƀô̆; tơdrêng amê hlối tơngah tung pơla hbrâ po Hneăng hôp khu kăn lâp tơnêi têa rôh má XIV dêi Đảng, xuân môi tiah mâu troăng pơkâ mơnhông cheăng kâ rêh ối pơlê pơla hơnăm 2026 ƀă mâu hơnăm ki pơtối.

Kuăn pơlê tối, tôu tuăn hlo tơdroăng ki kong mêi têa kân, lân lu ó peăng Tơdế tơnêi têa ƀă hên kong pơlê peăng kong ngo, pro tơ’nhiê, lŭp ‘na kế tơmeăm ‘na hlâ rong mơngế; tơmâng xo tơdroăng ki hbrâ rơnáu hdrối dêi Chin phuh, tơdroăng veăng gum teăm tơdrêng dêi mâu khu cheăng ƀă kăn pơkuâ kong pơlê tung tŏng gum kuăn pơlê xía vâ, ‘mâi xĕn kuăn pơlê troh tíu tơniăn, veăng gum pro kơdroh iâ má môi mâu tơdroăng ki tơ’nhiê tơmeăm.