Kuăn pơlê tung lâp tơnêi têa têk nháng tơbâ kơ pôa Nguyễn Phú Trọng, Kăn xiâm pơkuâ hnê ngăn Đảng tung hâi  tơbâ pôa hlâ
Thứ tư, 14:00, 09/07/2025 Tơplôu: Gương/VOV Tơplôu: Gương/VOV
VOV.Xơ Đăng - Pôa Nguyễn Phú Trọng, Kăn xiâm pơkuâ hnê ngăn Đảng hneăng hdrối hiăng ‘măn ăm tơmeăm khoăng dêi môi tuăn ngôa rơkê kân, rơkê khât, ngế ai tuăng ngôa rơkê, ngế mơhno túa lĕm tro, hlá cờ xiâm dêi Đảng. 

Hâi lơ 8/7 pơ’lăng môi hơnăm troh hâi pôa Nguyễn Phú Trọng kăn xiâm pơkuâ hnê ngăn Đảng hneăng hdrối hlâ. Kuăn pơlê tung lâp tơnêi têa têk nhang tơbâ kơ pôa tung hâi tơbâ pôa hlâ ki apoăng. Kăn ƀô̆, đảng viên ƀă kuăn pơlê pin chôu pâ troh ta ah ƀă hlối nhoăm kơ môi ngế tuăn ngôa rơkê kân, rơkê khât tơdroăng cheăng dêi kăch măng Việt Nam, ngế ki ai tuăn ngôa tơkê, ngế mơhno túa lĕm tro rơkê, cho hlá cờ  tơpui tơno dêi Đảng.

Ƀă lối 57 hơnăm cheăng Đảng, xông rơdêi prôk tiô troăng hơlâ Kăch măng, pôa Nguyễn Phú Trọng hiăng pleăng plâ rơxông tơná ăm tơdroăng cheăng dêi Đảng, dêi hdroâng mơngế. Pôa cho ngế ki mơhno troăng bâ eăng ‘na túa rêh ối lĕm ƀă inâi  châ pơ-eăng dêi môi ngế lêng kŏng sản khên tơnôu, pêi cheăng tâi ivá tuăn ngôa tơná klê rơkê vâ pơxuá ăm Tơnêi têa, pơxúa ăm kuăn pơlê.

Mâu hnoăng veăng ‘no, pleăng mâu tơdroăng ăm pôa Nguyễn Phú Trọng ngế pơkuâ hnê ngăn Đảng hneăng hdrối đi đo cho dêi tơnêi têa ƀă kuăn pơlê.  Pôa Nguyễn Phú Trọng, Kăn xiâm pơkuâ hnê ngăn Đảng hneăng hdrối hiăng ‘măn ăm tơmeăm khoăng dêi môi tuăn ngôa rơkê kân, rơkê khât, ngế ai tuăng ngôa rơkê, ngế mơhno túa lĕm tro, hlá cờ xiâm dêi Đảng.  Tuăn mơno lĕm ƀă kuăn pơlê dêi pôa cho ngế đảng viên Kong sản khên tơnôu, hên ngế nhoăm pâ, cho ngế ki tơkŭm tơrŭm môi tuăn dêi tâi  tâng Đảng, tâi tâng kuăn pơlê, tâi tâng mâu lêng. Inâi ƀă tơdroăng cheăng, hnoăng pêi ƀă hnoăng pleăng, tuăn ngôa rơngế dêi pôa Nguyễn Phú Trọng kô u ối ta ah tung tơdroăng chêh ‘măn ki lĕm dêi Đảng pin, hdroâng mơngế pin, tung tơdroăng tơbâ, nhoăm pâ dêi kăn ƀô̆, đảng viên ƀă kuăn pơlê pin tung hiâm mơno pâ vâi pú hmâ tung lâp plâi tơnêi.

 

Tơplôu: Gương/VOV

Viết bình luận

TIN CÙNG CHUYÊN MỤC

Video

Bi mni kơ Awa Hô
Đơs git oh, git bi
06/05/2025
Jreng Jrong
30/03/2024
Tanh bĕ dra hiam
22/03/2024